Nara bhuvaneswari: ఈ తారకరామారావు మా నాన్నంత ఎత్తుకు ఎదగాలి: నారా భువనేశ్వరి

ఇంటర్నెట్‌ డెస్క్‌: నందమూరి హరికృష్ణ మనవడు, జానకిరామ్‌ కుమారుడు.. తారక రామారావు (Nandamuri Taraka Ramarao) హీరోగా వై.వి.ఎస్‌.చౌదరి (YVS Chowdary) కొత్త సినిమాను తెరకెక్కించనున్న విషయం

తెలిసిందే. ‘న్యూ టాలెంట్‌ రోర్స్‌’ పతాకంపై ఆయన సతీమణి గీత ఈ చిత్రాన్ని నిర్మిస్తున్నారు. నేడు ఈ చిత్రం పూజా కార్యక్రమాలతో ప్రారంభమైంది. ఈ కార్యక్రమానికి ఎన్టీఆర్‌ కుటుంబ సభ్యులు హాజరయ్యారు.

ముఖ్య అతిథులుగా గారపాటి లోకేశ్వరి, దగ్గుబాటి పురందేశ్వరి, నారా భువనేశ్వరి పాల్గొన్నారు. హీరోహీరోయిన్లపై భువనేశ్వరి క్లాప్‌ కొట్టి అభినందించారు. * చిరంజీవి, బాలకృష్ణ ‘నాటు నాటు’కు డ్యాన్స్‌

వేస్తే?.. ఎన్టీఆర్ ఏమన్నారంటే.. ఈ చిత్రానికి కీరవాణి సంగీతం అందించనున్నారు. 1980 నేపథ్యంలో రానుంది. తెలుగు భాషకు ఇందులో పెద్దపీట వేయనున్నారు. ఈ సినిమాతో హైందవ సంస్కృతి, తెలుగు భాష గొప్పతనం

గురించి ప్రేక్షకులకు చెప్పనున్నట్లు వై.వి.ఎస్‌.చౌదరి తెలిపారు. ఈ సినిమాకు నేపథ్యమే బలమన్నారు. ఈ చిత్రంలో ఎన్టీఆర్‌ సరసన కూచిపూడి డ్యాన్సర్‌, అచ్చతెలుగు అమ్మాయి వీణారావు నటిస్తున్నారు.

‘‘సీనియర్‌ ఎన్టీఆర్‌ ఎంత కీర్తి తెచ్చుకున్నారో తారక రామారావు కూడా అలానే ఎదగాలని కోరుకుంటున్నాను. తన ఉనికిని చాటుకోవడం కోసం రామ్ ఎంతో కష్టపడుతున్నాడు. ఆ తపన ఉన్నవారంతా కచ్చితంగా పేరు సొంతం

చేసుకుంటారు’’ - భువనేశ్వరి ‘‘నాన్నకు(సీనియర్‌ ఎన్టీఆర్‌) ఎవరూ సాటి రారు. ఆయన లెగసీని ముందుకు తీసుకువెళ్లడానికి ఆయన కుమారులు, మనవళ్లు ఎంతో కృషి చేస్తున్నారు. వారంతా కూడా స్టార్‌లుగా

ఎదుగుతున్నారు. ఇప్పుడు ఆయన మునిమనవడు ఇండస్ట్రీలోకి రానున్నాడు. మీడియా ప్రోత్సాహం అతడికి చాలా అవసరం. అందరూ తారక రామారావును అభినందించండి. వైవీఎస్‌ చౌదరీకి కృతజ్ఞతలు’’ - లోకేశ్వరి ‘‘ఈరోజు

నందమూరి కుటుంబం నుంచి మరో తరం ఇండస్ట్రీలోకి అడుగుపెట్టింది. కళాకారుడు ఎంతో తపస్సు చేయాలి. కళామతల్లి ఆశీర్వాదం ఉంటే ఉన్నతశిఖరాలు అధిరోహిస్తాడు. మా నాన్న ఒక కళాతపస్వీ. ఆయన క్రమశిక్షణతో

చలనచిత్ర రంగానికి  తన జీవితాన్ని అంకితం చేశారు. అందుకే ఆయన పేరును భారతీయ సినీ రంగంలో సువర్ణాక్షరాలతో లిఖించారు. తర్వాత బాలకృష్ణ, హరికృష్ణ ఇద్దరూ కూడా చలనచిత్ర రంగంపై చెదరని ముద్ర వేశారు. ఆ

తర్వాత తరం కల్యాణ్‌రామ్‌, ఎన్టీఆర్ కూడా అంకితభావంతో తమ ఉనికికి చాటుకున్నారు. అలానే ఇప్పుడు మరో తరం పరిశ్రమలోకి వస్తోంది. మేమంతా రామ్‌ అని పిలుచుకునే ఎన్టీఆర్‌ ఇండస్ట్రీకి ఎంట్రీ ఇస్తున్నాడు.

అతడికి కూడా కళామతల్లి ఆశీర్వాదంతో పాటు కుటుంబసభ్యుల ఆశీస్సులూ ఉంటాయి. వైవీఎస్‌ చౌదరికి అభినందనలు’’ - పురందేశ్వరి