Donald trump: భారత్‌, పాక్‌లు దాడులను ఆపేయాలి: ఇరు దేశాలకు ట్రంప్‌ ఆఫర్‌

భారత్‌, పాక్‌లు ఉద్రిక్తతలను తగ్గించుకోవాలని ట్రంప్‌ తాజాగా సూచించారు. ఇరు దేశాలు తమ విభేదాలు పరిష్కరించుకోవడానికి సహాయం చేస్తానని పేర్కొన్నారు.  వాషింగ్టన్‌: పాక్‌ ఉగ్రస్థావరాలపై భారత్‌

మంగళవారం అర్ధరాత్రి దాటాక మెరుపుదాడులతో (Operation Sindoor) విరుచుకుపడిన విషయం తెలిసిందే. దీంతో పలువురు దేశాధినేతలు, రాయబారులు దాడుల ఘటనపై స్పందించారు. ఉద్రిక్తతలు తగ్గించుకోవాలని భారత్‌,

పాక్‌లను కోరారు. అమెరికా అధ్యక్షుడు ట్రంప్‌ తాజాగా స్పందించారు. ఓవల్‌ ఆఫీస్‌లో ట్రంప్‌ మీడియాతో మాట్లాడుతూ.. ఇరుదేశాలు ఒకరిపైఒకరు దాడులు చేయడం ఆపాలని పేర్కొన్నారు. ఈ సందర్భంగా రెండు దేశాలకు

ట్రంప్‌ ఆఫర్‌ ఇచ్చారు. ఇరు దేశాలు తమ విభేదాలు పరిష్కరించుకోవడానికి తాను సహాయం చేస్తానని పేర్కొన్నారు.  ‘‘భారత్‌, పాక్‌ల మధ్య పరిస్థితి చాలా భయంకరంగా ఉంది. రెండు దేశాల గురించి నాకు చాలా

తెలుసు. వాటితో నాకు మంచి సంబంధాలు ఉన్నాయి. ఉద్రిక్తతలను తగ్గించుకోవాలని, వాటిని ఆపేయాలని కోరుకుంటున్నాను. వారు అనుకుంటే ఇప్పుడే చేసేయగలరు. రెండు దేశాలు కయ్యానికి కాలు దువ్వాయి. అమెరికాతో

భారత్‌, పాక్‌కు మంచి సంబంధాల దృష్ట్యా వారికి సహాయం చేయాల్సి వస్తే నేను అందుబాటులో ఉంటాను. ఏ సహాయమైనా చేస్తాను’’ అని ట్రంప్‌ అన్నారు.  పహల్గాం ఉగ్రదాడికి బదులుగా పాక్‌లోని తొమ్మిది

ఉగ్రస్థావరాలపై ఇండయన్‌ ఆర్మీ దాడులు చేయడంతో సుమారు 70 మందికి పైగానే టెర్రరిస్టులు చనిపోయినట్లు సమాచారం. అయితే భారత్‌ జరిపిన దాడుల్లో 26 మంది ప్రాణాలు కోల్పోయారని, 46 మందికి గాయాలయ్యాయని

పాకిస్థాన్‌ ఇంటర్‌ సర్వీసెస్‌ పబ్లిక్‌ రిలేషన్‌ (ISPR) డైరెక్టర్‌ జనరల్‌ వెల్లడించారు. ఇక భారత దాడులతో సరిహద్దు నియంత్రణ రేఖ (ఎల్వోసీ) వెంట పాక్‌ బలగాలు కాల్పుల ఒప్పందాన్ని ఉల్లంఘించి

షెల్లింగ్‌, కాల్పులతో దాడులు తీవ్రతరం చేసింది. దీంతో 15 మంది భారత పౌరులు మృతి చెందగా, ఒక జవాను అమరుడయ్యాడు. 43 మంది పౌరులు గాయపడ్డారు.