Pbks vs mi: క్వాలిఫయర్‌-1లో పంజాబ్.. ఎలిమినేటర్‌ మ్యాచ్‌లో ముంబయి

జైపుర్: ఐపీఎల్ (IPL) 2025లో పంజాబ్ కింగ్స్ (Punjab Kings) లీగ్‌ దశను విజయంతో ముగించి అగ్రస్థానానికి దూసుకెళ్లింది. దీంతో ఆ జట్టు క్వాలిఫయర్-1లో ఆడేందుకు అర్హత సాధించింది. ముంబయి ఇండియన్స్‌

(Mumbai Indians)తో జరిగిన తమ చివరి లీగ్‌ మ్యాచ్‌లో పంజాబ్ 7 వికెట్ల తేడాతో విజయం సాధించింది. తొలుత టాస్ ఓడి బ్యాటింగ్‌కు దిగిన ముంబయి నిర్ణీత 20 ఓవర్లలో 7 వికెట్ల నష్టానికి 184 పరుగులు

చేసింది. ఈ లక్ష్యాన్ని పంజాబ్ 18.3 ఓవర్లలోనే 3 వికెట్లే కోల్పోయి ఛేదించింది. ప్రియాంశ్ ఆర్య (62; 35 బంతుల్లో 9 ఫోర్లు, 2 సిక్స్‌లు), జోష్ ఇంగ్లిస్ (73; 42 బంతుల్లో 9 ఫోర్లు, 3 సిక్స్‌లు)

అర్ధ శతకాలు బాది జట్టు విజయంలో కీలకపాత్ర పోషించారు. శ్రేయస్ అయ్యర్ (26*), ప్రభ్‌సిమ్రన్ సింగ్ (13) పరుగులు చేశారు. ముంబయి బౌలర్లలో మిచెల్ శాంట్నర్ 2, జస్‌ప్రీత్ బుమ్రా ఒక వికెట్ పడగొట్టారు.

ఇక, ఈ మ్యాచ్‌లో ముంబయి బ్యాటర్లలో సూర్యకుమార్ యాదవ్ (57; 39 బంతుల్లో 6 ఫోర్లు, 2 సిక్స్‌లు) ఒక్కడే భారీ స్కోరు చేశాడు. ఓపెనర్లు రికెల్‌టన్ (27), రోహిత్ శర్మ (24) ఫర్వాలేదనిపించారు. హార్దిక్

పాండ్య (26), నమన్ ధీర్ (20), విల్ జాక్స్ (17) పరుగులు చేశారు. తిలక్ వర్మ (1) నిరాశపర్చాడు. పంజాబ్ బౌలర్లలో మార్కో యాన్సెన్ 2, అర్ష్‌దీప్ సింగ్ 2, విజయ్‌కుమార్ వైశాఖ్‌ 2, హర్‌ప్రీత్ బ్రార్ ఒక

వికెట్ పడగొట్టారు. పంజాబ్‌పై ఓటమితో నాలుగో స్థానానికి పరిమితమైన ముంబయి.. గుజరాత్ టైటాన్స్ లేదా ఆర్సీబీతో ఎలిమినేటర్ మ్యాచ్ ఆడనుంది. రేపు (మంగళవారం) లఖ్‌నవూతో జరిగే మ్యాచ్‌లో ఆర్సీబీ

గెలిస్తే 19 పాయింట్లతో టాప్‌-2లో నిలుస్తుంది. అప్పుడు గుజరాత్, ముంబయి మధ్య ఎలిమినేటర్ మ్యాచ్ ఉంటుంది.