Kantara 1: ‘కాంతార చాప్టర్‌ 1’ వాయిదా..? స్పందించిన టీమ్‌

ఇంటర్నెట్‌ డెస్క్‌: కన్నడ నటుడు రిషబ్‌ శెట్టి (Rishab Shetty) ప్రధాన పాత్రలో నటిస్తోన్న చిత్రం ‘కాంతార చాప్టర్‌ 1’ (Kantara: Chapter 1). 2022లో విడుదలై విజయాన్ని అందుకున్న ‘కాంతార’కు ఇది

ప్రీక్వెల్‌గా తెరకెక్కుతోన్న విషయం తెలిసిందే. ఈ సినిమా వాయిదా పడనుందంటూ కొన్నిరోజులుగా వార్తలు వస్తున్నాయి. తాజాగా వీటిపై చిత్రబృందం స్పందించింది. అనుకున్న సమయానికే ఈ సినిమాను విడుదల

చేస్తామని వెల్లడించింది. ‘‘మేము అనుకున్న ప్రకారమే షెడ్యూల్స్‌ పూర్తి చేస్తున్నాం. మా ప్రణాళికలకు తగినట్లే షూటింగ్‌ జరుగుతోంది. అక్టోబర్‌ 2న ఈ చిత్రం థియేటర్స్‌లో విడుదలవుతుంది. మమ్మల్ని

నమ్మండి. వేచి ఉండడం ఎంత విలువైనదో మీకే అర్థమవుతుంది. ఈ సినిమాపై వస్తోన్న ఊహాగానాలకు దూరంగా ఉండండి. అలాగే అనధికారిక ప్రకటనలను షేర్‌ చేయవద్దని విజ్ఞప్తి చేస్తున్నాం’’ అని చిత్రబృందం ఎక్స్‌

వేదికగా పోస్ట్‌ పెట్టింది. ఇప్పటికే ప్రకటించిన తేదీనే (అక్టోబరు 2) ‘కాంతార 1’ బాక్సాఫీసు ముందుకొస్తుందని మరోసారి స్పష్టం చేసింది. * ఆ పోస్టు నేను పెట్టలేదు..: ట్రోల్స్‌పై స్పందించిన ‘భైరవం’

దర్శకుడు స్వీయ దర్శకత్వంలో రిషబ్‌శెట్టి (Rishab Shetty) హీరోగా నటించిన ‘కాంతార’ రూ. 16 కోట్ల బడ్జెట్‌తో తెరకెక్కి, రూ. 400+ కోట్లు వసూళ్లు చేయడం విశేషం. తొలిభాగం కథ ఎక్కడి నుంచి

ప్రారంభమైందో.. దానికి ముందు జరిగిన సంఘటనలను ‘కాంతార 1’లో చూపించనున్నారు. పంజుర్లికి సంబంధించిన సన్నివేశాలు ప్రీక్వెల్‌లో ఎక్కువగా ఉండనున్నాయి. ముందుగా కన్నడలో విడుదలై హిట్‌గా నిలిచిన

‘కాంతార’ ఆ తర్వాత ఇతర భాషల్లో డబ్‌ అయిన సంగతి తెలిసిందే. ‘కాంతార చాప్టర్‌ 1’ను ఒకేసారి అన్ని భాషల్లో విడుదల చేసేందుకు సన్నాహాలు చేస్తున్నారు.