Anil chauhan: పాక్‌ చైనాపై ఆధారపడితే.. భారత్‌ సొంతంగా నిలదొక్కుకుంది: సీడీఎస్

ఇంటర్నెట్‌డెస్క్‌: దేశీయంగా బలోపేతం చేసుకున్న వ్యవస్థలతోనే ఆపరేషన్‌ సిందూర్‌ (operation sindoor) చేపట్టామని సీడీఎస్‌ అనిల్‌ చౌహాన్‌ (Anil Chauhan) పేర్కొన్నారు. శనివారం సింగపూర్‌లో

నిర్వహించిన ఇంటర్నేషనల్ ఇన్‌స్టిట్యూట్‌ ఫర్‌ స్ట్రాటజిక్‌ స్టడీస్ (IISS) వార్షిక శిఖరాగ్ర సమావేశంలో ఆయన పాల్గొన్నారు. ఈసందర్భంగా చౌహాన్ ఆపరేషన్‌ సిందూర్‌ గురించి మాట్లాడారు.  ‘పాకిస్థాన్‌

సొంత రక్షణవ్యవస్థలు బలంగా లేకపోవడంతో చైనాపై ఆధారపడింది. భారత్‌ ఆకాశ్ వంటి స్వదేశీ వ్యవస్థలనే ఉపయోగించింది. స్పేస్‌, శాటిలైట్‌ ఇంటెలిజెన్స్‌ అందరికీ అందుబాటులో ఉంది. మేము  మా సొంత శాటిలైట్‌

వనరులతో సమర్థమంతంగా ఉగ్రశిబిరాలపై దాడులు నిర్వహించాం. ఆ సమయంలో చైనా లేదా విదేశీ శాటిలైట్‌ చిత్రాలపై దాయాది దేశం ఆధారపడింది. వారికి ఏ దేశం నుంచి అవి అందాయో స్పష్టంగా తెలియదు కానీ.. వారి

మిత్రదేశాల నుంచే అంది ఉండవచ్చు. వాయు రక్షణ వ్యవస్థను అభివృద్ధి చేస్తున్నాం. * ఫలించిన భారత్‌ దౌత్యం.. పాక్‌ గురించి నిజాలు తెలుసుకున్న కొలంబియా ఆధునిక రక్షణ వ్యవస్థలో సొంతంగా

నిలదొక్కుకుంటున్నాం. ఆత్మనిర్భర్‌ భారత్‌తోనే ఇది సాధ్యమవుతోంది. స్టార్టప్‌లు, ఎంఎస్‌ఎంఈలు, పెద్ద పరిశ్రమలు ఇప్పుడు రక్షణవ్యవస్థలో పెట్టుబడులు పెడుతున్నాయి. ఇదే మా అతిపెద్ద బలం? యుద్ధమంటూ

వచ్చినప్పుడు నష్టం జరుగుతుంది. అయితే, నష్ట తీవ్రత కంటే.. ప్రత్యర్థులపై మన స్పందన ఎలా ఉందనేది ముఖ్యం. కేవలం మూడు రోజుల్లోనే సమర్థమంతంగా, పౌరులకు ఎలాంటి నష్టం కలిగించకుండా మేం స్పందించాం’ అని

చౌహాన్‌ పేర్కొన్నారు. ఈసందర్భంగా భారత్‌ దీర్ఘకాల యుద్ధాలను ఎప్పుడూ కోరుకోదని.. అది దేశ అభివృద్ధిని మందగిస్తుందన్నారు. అలాగే రక్షణ రంగంలో ఆటోమేషన్ విషయంలో అత్యంత అప్రమత్తంగా ఉండాలని

సూచించారు.  పాక్‌ ప్రచారం తప్పు.. ఆరు యుద్ధ విమానాలను కూల్చామంటూ పాక్‌ చేస్తోన్న ప్రచారం పూర్తిగా తప్పు అని సీడీఎస్ కొట్టిపారేశారు. యుద్ధ విమానాలను నేలకూల్చిన అంశం ముఖ్యం కాదని అంతర్జాతీయ

మీడియాతో మాట్లాడారు. అలాగే ఆ విమానాల సంఖ్యను వెల్లడించలేదు.