स्थानीय तह - कोही पैदल, कोही गाडीमा

तेह्रथुम — मेन्छ्यायाम गाउँपालिकाका अध्यक्ष यादव खापुङ पैदलै गाउँबस्ती पुग्छन् । गाउँपालिकासँग रहेका दुइटा मोटरसाइकलले सबैलाई भाग पुग्दैन । तैपनि थप गाडी किन्ने प्रक्रिया अघि बढाइएको छैन । 

<?xml encoding="UTF-8"??> गाउँमा विकासका धेरै आवश्यकता रहेकाले तिनलाई पूरा गरेपछि मात्र आफूहरू गाडी चढ्ने मुडमा रहेको खापुङ बताउँछन् । ‘खानेपानी, बिजुली, सडकजस्ता आवश्यकता

पूरा गर्नु छ,’ उनले भने, ‘विकास बजेट कटौती गरेर सवारीसाधनमा खर्चनु ठीक नहोला ।’ सँगै जोडिएको फेदाप गाउँपालिकाका अध्यक्ष हरि चोङवाङ पनि हिँडेरै आउजाउ गर्छन् । ‘पहिले बाटो बनाऔं अनि गाडी

चढौंला,’ उनले भने । फेदापको कार्यालयमा एउटा मोटरसाइकल मात्र छ । गाउँपालिकाभित्रका सबै सडक बाह्रै महिना चल्ने गरी स्तरोन्नतिपछि मात्र सवारीसाधन किन्ने चोङवाङले बताए । जिल्लाकै ठूलो आठराई

गाउँपालिकाका जनप्रतिनिधि मोटरसाइकल चढ्छन् । यहाँ गाउँपालिका कार्यालयसहित वडैपिच्छे मोटरसाइकल छन् । छथर गाउँपालिका प्रमुख सन्तोष तिगेलाले भने जनप्रतिनिधिका लागि भाडाको सवारी खोजेर जोहो गरेका

छन् । गाउँपालिकाभित्रका सबै वडा सडक सञ्जालले जोडिसकिएकाले गाडीको आवश्यकता परेको उनले बताए । ‘सडक भएपछि सवारीसाधनको पनि आवश्यकता हुँदो रहेछ,’ तिगेलाले भने, ‘त्यसैले मासिक ८० हजार रुपैयाँ भाडा

तिरेर गाडी लिएका छौं ।’ गाउँपालिकाभित्र यात्रा गर्नुपर्दा निर्वाचित पदाधिकारी र कर्मचारी यही गाडी प्रयोग गर्छन् । म्याङलुङ र लालीगुराँस नगरपालिकाका प्रमुख भने कार्यालयका गाडीमा सयर गर्छन् ।

लालीगुराँस नगरपालिकासँग गाडी र केही मोटरसाइकल हुँदाहुँदै केही समयअघि सम्पन्न परिषद् भेलाबाट सबै वडाध्यक्षलाई मोटरसाइकल किन्न बजेट छुट्याइएको छ । नगरपालिकामा बहुमत रहेका कांग्रेसनिकट

जनप्रतिनिधिले विकास बजेट कटौती गरेर मोटरसाइकल खरिद गर्न बजेट छुट्याएको भन्दै एमालेनिकट जनप्रतिनिधिले विरोध जनाएका छन् । मोटरसाइकल किन्न नगरपरिषद्बाट २२ लाख ५० हजार रुपैयाँ छुट्याइएको छ ।

‘विकास बजेट कटौती गरेर मोटरसाइकल चढिँदैन,’ १ नम्बरका वडाध्यक्ष रामबहादुर गुरुङले भने, ‘त्यो बजेटबाट गाउँमा सानै भए पनि खानेपानी योजना सञ्चालन गरिनेछ ।’ म्याङलुङ नगरपालिकासँग पनि

मोटरसाइकलसहित गाडी सुविधा छ । सवारीसाधन नहुँदा योजना अनुगमन र जनतासँग प्रत्यक्ष सरोकार राख्ने कामका लागि घरदैलो पुग्न समस्या पर्ने जनप्रतिनिधिको भनाइ छ । कतिपयले भने पर्याप्त बजेट नहुँदा

चाहेर पनि गाडी किन्न नसकेको गुनासो गरेका छन् । मेन्छ्यायाम गाउँपालिका र म्याङलुङ नगरपालिकाले अहिलेसम्म परिषद् नै गर्न सकेका छैनन् । प्रकाशित : पुस २३, २०७४ ०७:४१ कान्तिपुरका स्तम्भहरु हाम्रो

बारेमा यो वेबसाइट कान्तिपुर राष्ट्रिय दैनिकको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका

समाचार र विश्लेषणलाई समेट्छ। पूरा पढ्नुहोस् » उपयोगी लिंकहरु सम्पर्क ठेगाना कान्तिपुर पब्लिकेशन्स् लि. सेन्ट्रल बिजनेस पार्क, थापाथली काठमाडौं, नेपाल +977-01-5135000 +977-01-5135001 हाम्रा

अन्य प्रकाशनहरु © Copyright ekantipur.com