Rohit sharma: మేమంతా మీ వెంటే.. : త్రివిధ దళాలకు మద్దతుగా క్రీడాకారులు

రోహిత్‌ శర్మ, పీవీ సింధుతోపాటు పలువురు భారతీయ క్రీడాకారులు భారత ఆర్మీకి మద్దతు తెలిపారు. సోషల్‌మీడియా వేదికగా పోస్టులు పెట్టారు. ఇంటర్నెట్‌డెస్క్‌: ‘ఆపరేషన్‌ సిందూర్‌’ (Operation Sindoor)

అనంతరం భారత్‌ - పాక్‌ మధ్య అలజడి వాతావరణం నెలకొన్న విషయం తెలిసిందే. దేశ సరిహద్దుల్లో పాక్‌ పాల్పడుతున్న దుశ్చర్యలను భారత సైన్యం సమర్థవంతంగా తిప్పికొడుతోంది. దేశ ప్రజల సంరక్షణ కోసం

శ్రమిస్తోన్న త్రివిధ దళాలకు దేశవ్యాప్తంగా మద్దతు లభిస్తోంది. సైన్యం సేవలను కొనియాడుతూ తాజాగా పలువురు క్రీడాకారులు సోషల్‌మీడియా వేదికగా పోస్టులు పెట్టారు. సైన్యం వెంటే తాము ఉన్నట్లు తెలిపారు.

  * ‘‘దేశ సంరక్షణలో భాగంగా మన సైన్యం తీసుకునే ప్రతీ నిర్ణయాన్ని గౌరవిస్తున్నా. మన దేశ గౌరవాన్ని పెంచడంలో వారు ఎప్పుడూ ముందుంటారు. కాబట్టి, ఇలాంటి క్లిష్ట సమయాల్లో తప్పుడు కథనాల వ్యాప్తి,

అలాంటి వార్తలను నమ్మకుండా ప్రతీ భారతీయుడు బాధ్యతాయుతంగా వ్యవహరించాలి’’ - క్రికెటర్‌ రోహిత్‌ శర్మ * ‘‘క్లిష్ట సమయంలో అనుక్షణం దేశాన్ని సంరక్షిస్తోన్న మన సైనికులకు సెల్యూట్‌. మన వీరుల అచంచల

ధైర్యసాహసాలకు, దేశం కోసం వారితోపాటు వారి కుటుంబాలు చేసే త్యాగాలకు మనమంతా ఎప్పటికీ రుణపడి ఉండాలి’’ - విరాట్‌ కోహ్లీ * ‘‘మీ ధైర్యం, క్రమశిక్షణ, త్యాగమే మన జాతికి బలం. ఆపరేషన్ సిందూర్ వంటి

పరిస్థితుల వేళ మన త్రివర్ణ పతాకాన్ని ఎగురవేసిన మీ ధైర్యం, నిస్వార్థ సేవలను ఎల్లవేళలా మేము గుర్తు చేసుకుంటాం. దేశం మొత్తం మీ వెంట నడుస్తోంది’’ - బ్యాడ్మింటన్‌ స్టార్‌ పీవీ సింధు * ‘‘జమ్మూపై

పాక్‌ చేపట్టిన డ్రోన్‌ దాడిని సమర్థవంతంగా అడ్డుకున్న పోరాట యోధులను గౌరవిద్దాం’’ - క్రికెటర్‌ శిఖర్‌ ధావన్‌