Preity zinta: వివాదంలో పంజాబ్‌ జట్టు.. కోర్టుకెక్కిన ప్రీతి జింటా

ఇంటర్నెట్‌ డెస్క్‌: పంజాబ్‌ కింగ్స్‌ (Punjab Kings) జట్టులో వివాదం చెలరేగింది. ఆ జట్టు సహ యజమాని, బాలీవుడ్‌ నటి ప్రీతి జింటా (Preity Zinta) కోర్టుకెక్కింది. జట్టు సహ డైరెక్టర్లు అయిన మోహిత్‌

బుర్మాన్‌, నెస్‌ వాడియాపై చండీగఢ్‌ కోర్టులో కేసు వేసింది. నిబంధనలకు విరుద్ధంగా వీరు సమావేశం నిర్వహించారంటూ పిటిషన్‌ వేసింది. వీరు ముగ్గురు కేపీహెచ్‌ డ్రీమ్‌ క్రికెట్‌ ప్రైవేట్‌ లిమిటెడ్‌

డైరెక్టర్లుగా ఉన్నారు. ఐపీఎల్‌ (IPL) లోని పంజాబ్‌ కింగ్స్‌ (Punjab Kings) జట్టు ఈ కంపెనీదే. గత నెల 21న నిర్వహించిన సర్వసభ్య సమావేశం(EGM) చట్టబద్ధతను ప్రీతి జింటా కోర్టులో సవాలు చేసింది.

కంపెనీ చట్టం 2013 ప్రకారం ఎలాంటి నిబంధనలు పాటించకుండానే ఈ సమావేశాన్ని నిర్వహించారని తన పిటిషన్‌లో పేర్కొంది. ఈ భేటీకి సంబంధించి అభ్యంతరాలను తాను ఏప్రిల్‌ 10నే ఈమెయిల్‌ రూపంలో

తెలియజేసినప్పటికీ పట్టించుకోలేదని ఆమె పేర్కొంది. నెస్‌ వాడియా మద్దతుతో మోహిత్‌ బర్మాన్‌ ఈ సమావేశాన్ని నిర్వహించారని ఆరోపించింది. తాను, మరో డైరెక్టర్‌ కరణ్‌ పాల్‌ ఈ సమావేశానికి

హాజరైనప్పటికీ.. ఈ సమావేశం చట్టబద్ధత చెల్లదని ప్రకటించాలని ప్రీతి జింటా కోర్టును కోరింది. ఈ సమావేశంలో మునీశ్‌ ఖన్నాను డైరెక్టర్‌గా నియమించడాన్ని ప్రీతి జింటా, పాల్‌ వ్యతిరేకించారు.

డైరెక్టర్‌గా ఖన్నా నియామకాన్ని నిలిపివేయాలని ఆమె తన పిటిషన్‌లో కోర్టును కోరింది. ఈ భేటీలో తీసుకున్న నిర్ణయాలను కంపెనీ అమలుచేయకుండా చూడాలని అభ్యర్థించింది. ఈ కేసు పరిష్కారం అయ్యేవరకూ.. తాను,

కరణ్‌పాల్‌ లేకుండా బోర్డు సమావేశాలు నిర్వహించకుండా చూడాలని ప్రీతి జింటా కోర్టును కోరారు. * గుజరాత్‌కు పంచ్‌.. లఖ్‌నవూ చేతిలో ఓటమి బోర్డులో వివాదాలు ఉన్నప్పటికీ.. ప్రీతి జింటా పంజాబ్‌

కింగ్స్‌ మ్యాచ్‌లకు హాజరై స్టేడియంలో జట్టుకు మద్దతుగా నిలిచింది. ఆటగాళ్లను ప్రోత్సహించింది. ఇక శ్రేయస్‌ అయ్యర్‌ నేతృత్వంలో పంజాబ్‌ కింగ్స్‌ ఈ సీజన్‌లో అద్భుతంగా  రాణిస్తున్న విషయం తెలిసిందే.

11 ఏళ్ల అనంతరం ఆ జట్టు ప్లేఆఫ్స్‌కు చేరింది. టాప్‌ 2లో స్థానం లక్ష్యంగా ముందుకుసాగుతోంది.