Sonali bendre: తప్పుడు ప్రచారాలు నాకు నచ్చవు.. అందుకే నేనే నిజం చెప్పా: సోనాలి బింద్రే

ఒకప్పటి స్టార్‌ కథానాయిక సోనాలి బింద్రే (Sonali Bendre) ఒకానొక సమయంలో క్యాన్సర్‌ బారిన పడిన విషయం తెలిసిందే. ఆ సమయంలో తాను తీసుకున్న ఓ నిర్ణయం గురించి తాజాగా ఆమె మాట్లాడారు. ముంబయి: ఒకప్పటి

స్టార్‌ కథానాయిక సోనాలి బింద్రే (Sonali Bendre) కొన్నేళ్ల క్రితం క్యాన్సర్‌ బారిన పడిన విషయం తెలిసందే. మెటాస్టాటిక్‌ క్యాన్సర్‌తో తాను ఇబ్బందిపడుతున్నానని 2018లో ఆమే స్వయంగా ప్రకటించారు.

మనోధైర్యంతో చికిత్స తీసుకొని ఆ మహమ్మారి నుంచి బయటకు వచ్చి ఎంతో మందిలో ఆత్మవిశ్వాసాన్ని నింపుతున్నారు. తాజాగా ఓ ఇంటర్వ్యూలో పాల్గొన్న ఆమె తాను క్యాన్సర్‌ బారిన పడినట్లు ప్రకటించడంపై

మాట్లాడారు. అలా చేయడం వెనుక ఒక బలమైన కారణం ఉందన్నారు. ‘‘క్యాన్సర్‌తో పోరాడుతున్నానని తెలిసిన సమయంలో ఆ విషయాన్ని అందరితో చెప్పాలనుకోలేదు. కానీ, అప్పట్లో నేనొక ప్రాజెక్ట్‌ కోసం వర్క్

చేస్తున్నా. ప్రతి వారం ఒక కొత్త ఎపిసోడ్‌ టెలికాస్ట్‌ అవుతుండేది. అదే సమయంలో నేను ట్రీట్‌మెంట్‌ తీసుకోవాల్సి వచ్చింది. చికిత్స కోసం వెళ్లినప్పుడు.. అప్పటివరకూ కనిపించిన నేను ఒక్కసారిగా

మాయమయ్యానని ఒక్కొక్కరూ ఒక్కో మాదిరిగా మాట్లాడుకుంటారు. నా గురించి ఇష్టం వచ్చినట్లు ప్రచారాలు చేస్తారు. సోషల్‌మీడియాలో గాసిప్స్‌ క్రియేట్‌ చేయవచ్చు. వాటి వల్ల నా కుమారుడు, తల్లిదండ్రులు,

కుటుంబసభ్యులు ఇబ్బందిపడొచ్చు. అది నాకు ఏమాత్రం నచ్చదు. అందుకే  నా ఆరోగ్య పరిస్థితి గురించి నేనే ధైర్యంగా బయటపెట్టాను’’ అని ఆమె చెప్పారు. ఇదే ఇంటర్వ్యూలో ఆమె తన సినీ కెరీర్‌ గురించి

మాట్లాడారు. ఇండస్ట్రీలోకి అడుగుపెట్టిన సమయంలో లుక్స్‌ పరంగా తాను ఎన్నో అవకాశాలు కోల్పోయానని అన్నారు. * అలా చేస్తే నాలో కాళికాదేవిని చూస్తారు: ప్రీతి జింటా క్యాన్సర్‌ నుంచి కోలుకున్న సోనాలి

బింద్రే ఆ మహమ్మారి గురించి అవగాహన కల్పిస్తున్నారు. క్యాన్సర్‌ ట్రీట్‌మెంట్‌లో తాను ఎన్నో జీవిత పాఠాలు నేర్చుకున్నానని గతంలో పలు ఇంటర్వ్యూలో ఆమె చెప్పారు. ‘‘క్యాన్సర్‌ బారిన పడి కోలుకున్న

వారి జీవితాలు.. క్యాన్సర్‌కి ముందు క్యాన్సర్‌కి తర్వాత అన్నట్లు ఉంటాయి. మనిషి తన జీవితంలో ఏదో ఒక దాని వల్ల పాఠాలు నేర్చుకోవాలి.  నేను దీని(క్యాన్సర్‌) నుంచి కొన్ని పాఠాలు నేర్చుకున్నా. మన

జీవిత ప్రయాణం ఎప్పుడూ ఆగిపోకూడదు. ట్రీట్‌మెంట్‌ తీసుకున్న రోజులు నా జీవితంలో అత్యంత కష్టమైన దశ’’ అని ఆమె గతంలో చెప్పారు.