Kenishaa: జయం రవితో బంధం.. కెనీషాకు హత్య బెదిరింపులు..

ఇంటర్నెట్‌ డెస్క్‌: నటుడు జయం రవి (Ravi Mohan), గాయని కెనీషా (Kenishaa) రిలేషన్‌లో ఉన్నట్లు ఎంతోకాలంగా వార్తలు వస్తోన్న విషయం తెలిసిందే. ఈ నేపథ్యంలో తనకు గుర్తుతెలియని వ్యక్తుల నుంచి హత్య

బెదిరింపులు వస్తున్నాయంటూ కెనీషా తెలిపారు. ఆ సందేశాల స్క్రీన్‌ షాట్‌లను పంచుకుంటూ.. తప్పు చేస్తే శిక్ష అనుభవించడానికి సిద్ధంగా ఉన్నానని ఆవేదన వ్యక్తంచేశారు. ‘‘నేను కామెంట్‌ సెక్షన్‌ ఆఫ్‌

చేయలేదు. ఎటూ పారిపోలేదు. మీ అందరి నుంచి ఏ విషయాన్నీ దాచడం లేదు. నా చర్యలను ప్రశ్నించే హక్కు మీ అందరికీ ఉంది. నాకు సంబంధించిన ఏ విషయమైనా నేరుగా   నా ముఖంపైనే చెప్పండి. నా వెర్షన్‌ను

వివరించడానికి సిద్ధంగా ఉన్నాను. మీకు నిజానిజాలు చెప్పడం నాకు కూడా సంతోషమే. ఇప్పుడు నా చుట్టూ జరుగుతోన్న కొన్ని విషయాలకు నేను బాధ్యురాలిని అని మీరంతా భావిస్తే.. నన్ను కోర్టు ముందు

హాజరుపరచండి’’. * విడాకుల కేసు.. నెలకు రూ.40 లక్షల భరణం కోరిన జయం రవి భార్య ‘‘మీ అందరి శాపాలు, బాధ పెట్టే మాటల వల్ల నేను ఎంత వేదన అనుభవిస్తున్నానో మీలో ఎవరైనా ఆలోచించారా? కర్మ ఎవరినీ

విడిచిపెట్టదు అని మీరంతా నిందిస్తున్నారు. కానీ, నిజం బయటకు వచ్చాక మీరు కూడా ఇలాంటి బాధనే అనుభవించాలని నేను కోరుకోవడం లేదు. మీలో చాలామందికి నిజం తెలియకపోవడం వల్ల ఇలాంటి దారుణమైన మాటలతో నన్ను

సులభంగా నిందిస్తున్నారు. మీ అందరి భావాలను నేను అర్థం చేసుకోగలను. కానీ, త్వరలోనే నిజం బయటపడాలని భగవంతుడిని ప్రార్థిస్తున్నాను. నేను తప్పు చేస్తే.. చట్టం వేసే శిక్షను అనుభవించడానికి సిద్ధంగా

ఉన్నాను. అప్పటివరకూ నన్ను ద్వేషించకండి. ప్రశాంతంగా బతకనివ్వండి’’ అని రాసుకొచ్చారు. భార్య నుంచి తాను విడాకులు తీసుకుంటున్నట్టు జయం రవి ప్రకటించిన సంగతి తెలిసిందే. తనను సంప్రదించకుండానే రవి

విడాకుల విషయం బయటపెట్టారంటూ ఆర్తి ఆరోపించారు. గాయని కెనీషాతో రవి స్నేహపూర్వంగా ఉంటున్నారని, అందుకే భార్యకు విడాకులు ఇస్తున్నారంటూ కోలీవుడ్‌లో వార్తలొచ్చాయి. అలాగే తాము వేర్వేరుగా ఉండడానికి

మూడో వ్యక్తే కారణమని.. తన వద్ద తగిన ఆధారాలున్నాయని ఆర్తి ఇటీవల పేర్కొన్నారు.