Kamal haasan: ‘థగ్‌ లైఫ్‌’ కోసం కర్ణాటక హైకోర్టును ఆశ్రయించిన కమల్‌ హాసన్‌

ఇంటర్నెట్ డెస్క్‌: కన్నడ భాషపై సినీనటుడు కమల్‌ హాసన్‌(Kamal Haasan) ఇటీవల చేసిన కర్ణాటకలో అధికార, విపక్ష పార్టీలు, సంఘాలు భగ్గుమంటున్నాయి. దీంతో ఆయన చిత్రం ‘థగ్‌ లైఫ్‌’ కర్ణాటకలో విడుదల

వ్యవహారం ప్రశ్నార్థకంగా మారింది. ఈ నేపథ్యంలో కమల్‌హాసన్‌ కర్ణాటక హైకోర్టును ఆశ్రయించారు.  తన చిత్రం ‘థగ్‌ లైఫ్‌’ (Thug Life)ను కర్ణాటకలో విడుదల చేసి ప్రదర్శించేందుకు వీలుగా ఆదేశాలు జారీ

చేయాలని కోరారు. ఈ పిటిషన్‌ను తన నిర్మాణ సంస్థ రాజ్‌ కమల్‌ ఫిల్మ్స్‌ ఇంటర్నేషనల్‌ చీఫ్‌ ఎగ్జిక్యూటివ్‌ ఆఫీసర్‌ ద్వారా హైకోర్టులో దాఖలు చేశారు. తన సినిమా విడుదలకు ఆటంకం కలిగించకుండా రాష్ట్ర

ప్రభుత్వం, పోలీసు శాఖ,  చలనచిత్ర వాణిజ్య విభాగాలకు ఆదేశాలు జారీ చేయాలని అభ్యర్థించారు. ఈ సినిమా స్క్రీనింగ్‌కు తగిన భద్రత కల్పించేలా డీజీపీ, సిటీ పోలీస్‌ కమిషనర్‌కు సూచనలు జారీ చేయాలని కమల్‌

హాసన్‌ కోరారు. * నేను చప్పట్లు కొట్టలేదు.. కన్నడ కోసం నా ప్రాణమిస్తా: శివరాజ్‌ కుమార్‌ ఇటీవల జరిగిన ‘థగ్‌ లైఫ్‌’ (Thug Life) ప్రీ రిలీజ్‌ ఈవెంట్‌లో తమిళం నుంచి కన్నడ పుట్టిందంటూ కమల్‌

హాసన్‌ (Kamal Haasan) చేసిన వ్యాఖ్యలు తీవ్ర దుమారానికి కారణమయ్యాయి. దీంతో ఆయన వ్యాఖ్యలపై అధికార, విపక్ష పార్టీలతో పాటు కర్ణాటక ఫిల్మ్‌ ఛాంబర్‌ ఆఫ్‌ కామర్స్‌ (KFCC) కూడా తీవ్రంగా స్పందించాయి.

మే 30లోగా క్షమాపణ చెప్పకపోతే.. ఆయన ‘థగ్‌ లైఫ్‌’ (Thug Life) సినిమా విడుదలను రాష్ట్రంలో అడ్డుకుంటామని కేఎఫ్‌సీసీ స్పష్టం చేసింది.  అయితే, ఈ సినిమా విడుదల తేదీ (జూన్‌ 5) దగ్గర పడుతుండంతో

న్యాయపరమైన జోక్యాన్ని కోరుతూ కమల్‌ హాసన్‌ కర్ణాటక ఉన్నత న్యాయస్థానాన్ని ఆశ్రయించారు.  మరోవైపు, కన్నడ భాషపై తాను చేసిన కామెంట్స్‌ విషయంలో క్షమాపణలు చెప్పాలంటూ వస్తోన్న డిమాండ్లను కమల్‌ హాసన్‌

(Kamal Haasan) ఇటీవల తోసిపుచ్చారు. తప్పు చేస్తేనే క్షమాపణలు చెబుతానన్నారు.  ప్రేమతోనే అలా మాట్లాడానని,  ప్రేమ ఎన్నడూ క్షమాపణ చెప్పదన్నారు. భాష చరిత్ర గురించి ఎంతోమంది చరిత్రకారులు తనకు

చెప్పారని, తన వ్యాఖ్యల్లో మరో ఉద్దేశం లేదని వివరణ ఇచ్చిన విషయం తెలిసిందే.