Pellikani prasad 2025 ott: ఓటీటీలో ‘పెళ్లికాని ప్రసాద్’.. స్ట్రీమింగ్‌ ఎప్పుడంటే?

సప్తగిరి, ప్రియాంకశర్మ కీలక పాత్రల్లో నటించిన ‘పెళ్లికాని ప్రసాద్‌’ మూవీ ఓటీటీలో స్ట్రీమింగ్‌కు సిద్ధమైంది. హైదరాబాద్‌: సప్తగిరి, ప్రియాంకశర్మ నాయకానాయికలుగా నటించిన చిత్రం ‘పెళ్లికాని

ప్రసాద్’ (Pellikani Prasad). అభిలాష్‌రెడ్డి గోపిడి దర్శకుడు. కె.వై.బాబు, భానుప్రకాశ్‌ గౌడ్, సుక్కా వెంకటేశ్వర్‌ గౌడ్, వైభవ్‌ రెడ్డి ముత్యాల కలిసి నిర్మించారు. మార్చి 21న విడుదలైన ఈ చిత్రం

నవ్వులు పంచింది. ఇప్పుడు ఓటీటీ ప్రేక్షకులకు వినోదాన్ని పంచడానికి సిద్ధమైంది. తెలుగు ఓటీటీ వేదిక ఈటీవీ విన్‌లో (ETV Win) జూన్‌ 5వ తేదీ నుంచి ఈ చిత్రం స్ట్రీమింగ్‌ కానుంది. ఈ విషయాన్ని

తెలియజేస్తూ ‘మ్యారేజ్‌.. డ్రామా.. మ్యాడ్‌నెస్‌.. పెళ్లికాని ప్రసాద్‌ మీ స్క్రీన్స్‌పై సందడి చేయబోతున్నాడు. మిమ్మల్ని నవ్వించడానికి సప్తగిరి తిరిగి వస్తున్నాడు’ అని పేర్కొంది. ఇంతకీ కథేంటంటే:

38 ఏళ్లు వచ్చినా ప్రసాద్ (సప్తగిరి)కి పెళ్లి కాదు. మలేషియాలో పని చేసే తన కొడుకు కోసం రూ.2 కోట్లు ఇచ్చే సంబంధం తప్ప పెళ్లి చేయకూడదని అతని తండ్రి (మురళీ గౌడ్) నిర్ణయిస్తాడు. మరోవైపు ప్రియ

(ప్రియాంక శర్మ) తన ఫ్యామిలీతో కలిసి విదేశాల్లో స్థిరపడాలనుకుంటుంది. ఈ క్రమంలో ప్రసాద్ గురించి తెలిసి, అతడిని పెళ్లి చేసుకుంటే తామూ విదేశాలకు వెళ్లవచ్చని భావిస్తుంది. మరి ప్రియ పథకం

ప్రసాద్‌కు ఎలా తెలిసింది? ఆ తర్వాత చోటు చేసుకున్న పరిణామాలేంటి?రెండు కుటుంబాలు పెట్టుకున్న కండీషన్స్‌ ఏంటి? వీటి మధ్యలో ప్రసాద్ ఎలా నలిగిపోయాడు? అన్నది చిత్ర కథ.