Supreme court: ‘మా అమ్మ ఎక్కడుంది? ’.. సుప్రీంకోర్టులో యువకుడి పిటిషన్‌

అస్సాం ప్రభుత్వానికి వ్యతిరేకంగా ఆరోపణలు చేసిన ఓ యువకుడు తన తల్లి కోసం సుప్రీంకోర్టులో హెబియస్‌ కార్పస్‌ పిటిషన్‌ దాఖలు చేశాడు. దిల్లీ: తన తల్లిని అక్రమంగా నిర్బంధించారని అస్సాం (Assam)

ప్రభుత్వానికి వ్యతిరేకంగా ఒక యువకుడు ఆరోపణలు చేశాడు. ఆమె ఎక్కడుందో తెలియడం లేదని.. ఆమెను కోర్టులో హాజరుపరచాలని కోరుతూ సుప్రీంకోర్టులో (Supreme Court) హెబియస్‌ కార్పస్‌ పిటిషన్‌ దాఖలు చేశాడు.

ఈ పిటిషన్‌పై విచారణ జరిపేందుకు సర్వోన్నత న్యాయస్థానం అంగీకరించింది.  మనోవర బెవా అనే మహిళ బంగ్లాదేశ్‌కు చెందిన వ్యక్తిగా పరిగణిస్తూ గతంలో అస్సాం ప్రభుత్వం ఆమెను అదుపులోకి తీసుకుంది. మూడేళ్ల

పాటు నిర్బంధ శిబిరంలో ఉంచారు. 2019లో ఆమెకు నిర్బంధం నుంచి విముక్తి కలిగింది. నాడు మనోవరకు సుప్రీంకోర్టు షరతులతో కూడిన బెయిల్‌ మంజూరు చేసింది. నాటినుంచి వాటిని పాటిస్తూ అస్సాంలో ఉంటున్న ఆమెను

ఇటీవల పోలీసులు మళ్లీ నిర్బంధించారు. అయితే తన తల్లి గురించి ఏ సమాచారం లేదని ఆందోళనకు గురైన ఆమె కుమారుడు సుప్రీంకోర్టును ఆశ్రయించాడు. * అన్నావర్సిటీ విద్యార్థినిపై అత్యాచారం కేసులో

జ్ఞానశేఖరన్‌కు జీవిత ఖైదు! ‘‘నిర్బంధ శిబిరం నుంచి విడుదలయ్యాక సుప్రీంకోర్టు ఇచ్చిన షరతులను పాటిస్తూ నా తల్లి జీవిస్తోంది. కానీ, ఇటీవల స్టేట్‌మెంట్‌ నమోదుచేయాలంటూ మా అమ్మను పోలీస్‌స్టేషన్‌కు

పిలిపించారు. అక్కడికి వెళ్లిన ఆమె మళ్లీ తిరిగి రాలేదు. తన కోసం పోలీస్‌స్టేషన్‌కు వెళ్లిన ఆమెను కలుసుకోలేకపోయాను. నా తల్లికి సంబంధించిన కేసు ఇంకా సుప్రీంకోర్టులో పెండింగ్‌లోనే ఉందని పోలీసులకు

చెప్పేందుకు ప్రయత్నించా. అయినప్పటికీ ఆమెను విడుదల చేసేందుకు వారు నిరాకరించారు. మా అమ్మ ఎక్కడుందో తెలియడం లేదు. తనని కోర్టులో హాజరుపరచాలని కోరుతున్నా’’ అని బాధితుడు పిటిషన్‌లో పేర్కొన్నాడు.