Indian railways: ‘మిలిటరీ రైళ్ల’పై పాకిస్థాన్‌ నిఘా..? రైల్వేశాఖ అలర్ట్‌

భారత ‘సైనిక రైళ్ల’ కదలికల గురించి తెలుసుకునేందుకు పాకిస్థాన్‌ నిఘా సంస్థలు ప్రయత్నించవచ్చన్న సమాచారంతో రైల్వేశాఖ అప్రమత్తమైంది. ఇంటర్నెట్‌ డెస్క్‌: పహల్గాం ఉగ్రదాడి (Terrorist Attack) తదనంతర

పరిణామాలతో భారత్‌-పాక్‌ మధ్య ఉద్రిక్త పరిస్థితులు తలెత్తిన విషయం తెలిసిందే. ఇదే సమయంలో భారత ‘సైనిక రైళ్ల’ (Military train) కదలికల గురించి తెలుసుకునేందుకు పాకిస్థాన్‌ నిఘా సంస్థలు

ప్రయత్నించవచ్చన్న సమాచారంతో రైల్వేశాఖ అప్రమత్తమైంది. ఈ నేపథ్యంలో రహస్య సమాచారాన్ని అనధికార వ్యక్తులతో పంచుకోవద్దని ఉద్యోగులను హెచ్చరించింది. ఇందుకు సంబంధించి మే 6న ఉద్యోగులకు అడ్వైజరీ జారీ

చేసిన రైల్వే శాఖ.. అటువంటి సమాచారం బహిర్గతం చేయడం జాతీయ భద్రతకు ముప్పుగా పరిణమిస్తుందని తెలిపింది. ‘సైనిక ప్రత్యేక రైళ్ల కదలికలకు సంబంధించి కీలక సమాచారాన్ని పాకిస్థాన్‌ (Pakistan)

ఇంటెలిజెన్స్‌ సంస్థలు రాబట్టే అవకాశం ఉంది. రైల్వేలో మిలటరీ విభాగానికి తప్ప.. ఎటువంటి అనధికార వ్యక్తులకు ఆ సమాచారం ఇచ్చినా భద్రతా ఉల్లంఘనగా పరిగణిస్తాం. దానివల్ల దేశ భద్రతకు తీవ్ర ముప్పు

వాటిల్లే అవకాశం ఉంది. సైనిక రైళ్ల కదలికల సమాచారానికి ఉన్న ప్రాధాన్యం, తీవ్రత దృష్ట్యా దీనిపై రైల్వే అధికారులు, సిబ్బంది అప్రమత్తంగా ఉండాలి’’ అని అన్ని రైల్వే జోన్ల ప్రిన్సిపల్‌ చీఫ్‌

ఆపరేషన్‌ మేనేజర్లకు రైల్వే బోర్డు సందేశం పంపించింది. * ఆపరేషన్‌ ‘మేఘ్‌దూత్‌ నుంచి సిందూర్‌ ’ వరకు! మిల్‌ రైల్‌ (Mil Rail) అనేది భారతీయ రైల్వేలో (Indian Railways) ప్రత్యేక విభాగం. సైనిక

వ్యూహాత్మక ప్రణాళికల్లో కీలక పాత్ర పోషిస్తుంది. సరిహద్దుల్లో ఉద్రిక్తతలు, యుద్ధం వంటి పరిస్థితుల్లో జవాన్లతోపాటు ట్యాంకులు, పరికరాలు, ఇతర వస్తువుల రవాణా వీటి ద్వారానే కొనసాగుతుంది. ఇందుకు

అవసరమైన సంప్రదింపులు రైల్వేబోర్డు ద్వారా కాకుండా ఈ సైనిక విభాగం ద్వారానే జరుగుతాయి. దిల్లీలోని సేనా భవన్‌లో దీని కార్యాలయం ఉంటుంది.