Кардынал краеўскі даставіць ва украіну рэанімабіль – дар папы - vatican news

Кардынал Конрад Краеўскі асабіста даставіць ва Украіну аўтамабіль хуткай дапамогі – дар Святога Айца для бальніцы ў горадзе Зборыў у Цярнопальскай вобласці. Iншыя навіны 30/03/2022 Кардынал

Конрад Краеўскі асабіста перадаў кіраўніку Львоўскай дзяржадміністрацыі Максіму Казіцкаму машыну хуткай дапамогі – дар Пантыфіка Украіне. АЛЯКСАНДР ПАНЧАНКА - VATICAN NEWS Прэфект Дыкастэрыі

па міласэрным служэнні здзейсніць ужо восьмую гуманітарную паездку ва Украіну пасля пачатку шырокамаштабнай вайны. Рэанімабіль для бальніцы ў Зборыве стане ўжо трэцім, які Францішак перадае

гэтай краіне. Іерарх даставіць таксама вялікую колькасць лекаў і медыцынскіх сродкаў ад Ватыканскай аптэкі і рымскай клінікі імя Агасціна Джэмэлі. Падчас місіі кардынал Краеўскі ўзначаліць

цырымонію адкрыцця рэабілітацыйнага цэнтра імя святога Яна Паўла ІІ ў Каменец-Падольскай дыяцэзіі, прызначанага для аказання комплекснай фізічнай і псіхалагічнай дапамогі людзям, якія

пацярпелі ад вайны: параненым і членам іх сем’яў. Структура была збудавана дзякуючы падтрымцы некалькіх папскіх фондаў, сярод якіх _Дапамога Касцёлу ў патрэбе_ і _Papal Foundation_. “Цэнтр

імя святога Яна Паўла ІІ, які будзе адкрыты ў апошнія дні чэрвеня кардыналам Краеўскім, а таксама дар машыны хуткай дапамогі і медыкаментаў – гэта жэсты міласэрнасці, якімі Папа Францішак

нагадвае, што вера не з’яўляецца бесцялеснай, але бярэ на сябе адказнасць за складаныя сітуацыі і найбольш уразлівых братоў і сясцёр па прыкладзе Добрага самараніна, які паклапаціўся пра

чалавека, што стаў ахвярай нападу і быў пакінуты сцякаць крывёю на ўзбочыне”, - гаворыцца ў камюніке ватыканскай Дыкастэрыі па міласэрным служэнні.