Кардынал з ватыкана з сінадальным візітам у ліване - vatican news

Кардынал Марыё Грэк знаходзіўся з сінадальным візітам у Ліване. Генеральны сакратар Сінода Біскупаў размаўляў з патрыярхамі і біскупамі, якія сустракаліся ў Бкерке. АЛЯКСАНДР АМЯЛЬЧЭНЯ -

VATICAN NEWS У прысутнасці Апостальскага нунцыя ў Ліване і біскупаў-маранітаў, якія прыбылі з дыяспары на свой штогадовы Сінод, госць з Ватыкана нагадаў пра шматвяковую сінадальную традыцыю

Цэркваў Усходу: яны заўсёды выбіралі сінадальнасць у якасці прыярытэтнай структуры супольнасці. Як адзначыў кардынал Грэк, сінадальная традыцыя агульная для ўсіх патрыяршых Цэркваў на

Усходзе, як каталіцкіх, так і праваслаўных. “Гэты тысячагадовы досвед можа стаць натхненнем у некаторых аспектах, якія могуць быць выкарыстаны ў сінадальнасці Касцёла, раскіданага па ўсім

свеце. Ён таксама можа паспрыяць збліжэнню паміж Каталіцкім Касцёлам і Праваслаўнымі Цэрквамі ў плане зносін і эвалюцыі касцёльных структур”, - лічыць іерарх. Генеральны сакратар Сінода

Біскупаў спаслаўся на выклікі, якія існуюць у кантэксце міжрэлігійнага дыялогу. “Хрысціяне падзяляюць жыццё з юдэямі больш за дзве тысячы гадоў, а з мусульманамі – больш за 14 стагоддзяў.

Гэты дыялог жыцця, з усімі добрымі перажываннямі і момантамі, і нягледзячы на ўсе няўдалыя перажыванні, пазначаныя пераследам і пакутамі, з’яўляецца школай, у якой кожны дзень трэба рабіць

новыя высновы”, - перакананы іерарх.