शान्ति प्रक्रिया पूरा गरेकामा प्रधानमन्त्रीलाई धन्यवाद

काठमाडौं — राष्ट्रपति रामवरण यादवले शान्ति प्रक्रिया पूरा गरेकामा प्रधानमन्त्री बाबुराम भट्टराईलाई धन्यवाद दिएका छन् । शीतलनिवासमा शुक्रबार भएको नियमित भेटमा राष्ट्रपति यादवले शान्ति

प्रक्रियामा जस्तै राजनीतिक गतिरोध अन्त्यका विषयमा पनि सहमतिमा पुग्न प्रधानमन्त्री भट्टराईलाई आग्रह गरेका हुन् । <?xml encoding="UTF-8"??> 'शान्ति प्रक्रिया झन्डै-झन्डै

पूर्ण भएकामा राष्ट्रपतिले प्रधानमन्त्रीलाई विशेष धन्यवाद दिनुभएको छ,' राष्ट्रपतिका प्रेस सल्लाहकार राजेन्द्र दाहालले भने, 'यसैगरी राजनीतिक निकास र संविधान निर्माणमा पनि सहमतिमा

पुग्न आग्रह गर्नुभएको छ ।'दाहालका अनुसार नियमित 'बि्रफिङ' का लागि शीतलनिवास पुगेका प्रधानमन्त्रीले समग्र राजनीतिक स्थितिबारे राष्ट्रपतिलाई जानकारी गराएका थिए । 'राजनीतिक

सहमति कायम गरेर निकास पहिल्याउने कुरामा प्रधानमन्त्री पनि सहमत हुनुहुन्छ,' सल्लाहकार दाहालले भने, 'प्रमुख दुई शक्ति एक ठाउँमा भएकाले अरू प्रमुख शक्तिलाई समेटेर सहमतिको वातावरणका

लागि थप पहल गर्न आग्रह गर्नुभएको हो ।'राष्ट्रपति यादवले राजनीतिक गतिरोध अत्यका लागि थप दबाब सिर्जना गर्न आइतबार दलका शीर्ष नेतालाई छलफलका लागि शीतलनिवास डाकेका छन् ।एमाओवादी, कांग्रेस,

एमाले र मधेसी मोर्चाका अतिरिक्त मोहन वैद्य नेतृत्वको नेकपा-माओवादी र शरतसिंह भण्डारी नेतृत्वका मधेसी समाजवादी राष्ट्रिय पार्टीका र विघटित संविधानसभामा प्रतिनिधित्व गर्ने अन्य दलहरूलाई बैठकमा

डाकिएको दाहालले बताए । 'राजनीतिक निकासका विषयवस्तुमा छलफलका लागि डाकिएको हो,' उनले भने, 'विगतमा नै दिइएका एजेन्डामा प्रगति हुन सकेको छैन ।' राजनीतिक गतिरोध अन्त्यका लागि

सहमति जुटाउन आफूले पटक-पटक गरेको आग्रहले सकारात्मक नतिजा दिन नसकेकामा राष्ट्रपति असन्तुष्ट छन् । संविधानसभा अवसानसँगै प्रधानमन्त्री बाबुराम भट्टराईलाई पदमुक्त गरेका राष्ट्रपति यादवलाई नयाँ

सरकार गठनको प्रक्रिया पूरा गर्न दबाब परिरहेको छ । स्रोतका अनुसार राष्ट्रपति यादवले दलहरूको यो परामर्श पछि गतिरोध अन्त्यको प्याकेजमा सहमति जुटाउन समय तोकेरै अन्तिम मौका दिने सम्भावना छ ।

'प्रधानमन्त्रीलाई पदमुक्त भएको जनाउ दिएर कामचलाउ तोकिएकाले जेठ १६ बाटै नयाँ सरकार गठनको प्रक्रिया सुरु भएको हो,' स्रोतले भन्यो, 'त्यही प्रक्रियालाई टुंगोमा पुर्‍याउनुपर्छ

भन्नेमा विवाद छैन । तर त्यसको प्रक्रियाबारे विभिन्न सुझाव आएका छन् । सरकार गठनको प्रक्रियाबारे राष्ट्रपति यादवले यसअघि विभिन्न चरणमा कानुनी परामर्श गरेका थिए । पूर्वप्रधानन्यायाधीशदेखि कानुन

व्यवसायीहरूमध्ये अधिकांशले अन्तरिम संविधानको धारा ३८ -१) अनुसार राजनीतिक सहमतिको सरकार गठनका लागि मिति तोकेर आह्वान गर्न सकिने विकल्प उपयुक्त हुने राय दिएका थिए । 'राष्ट्रपतिले कुनै

पनि विकल्पमा जानका लागि दलहरूको सहमति पर्खनुभएको हो,' शीतलनिवास निकट स्रोतले भन्यो । राष्ट्रपतिसँगको भेटमा दलका नेताहरूले आफूहरूबीच छिट्टै सहमति जुट्ने बताउँदै आएका थिए । प्रकाशित :

आश्विन १३, २०६९ ०१:३४ पुस १६, २०६९ पुस १६, २०६९ पुस १६, २०६९ पुस १६, २०६९ पुस १६, २०६९ पुस १६, २०६९ कान्तिपुरका स्तम्भहरु हाम्रो बारेमा यो वेबसाइट कान्तिपुर राष्ट्रिय दैनिकको आधिकारिक न्युज

पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ। पूरा पढ्नुहोस् » उपयोगी लिंकहरु

सम्पर्क ठेगाना कान्तिपुर पब्लिकेशन्स् लि. सेन्ट्रल बिजनेस पार्क, थापाथली काठमाडौं, नेपाल +977-01-5135000 +977-01-5135001 हाम्रा अन्य प्रकाशनहरु © Copyright ekantipur.com