Elon musk: ఆ ఒప్పందం వద్దని ట్రంప్‌పై ఒత్తిడి.. మాట వినలేదనే మస్క్‌ దూరమా..?

వాషింగ్టన్‌: అమెరికా ప్రభుత్వంలోని డోజ్‌ శాఖ బాధ్యతల నుంచి అపర కుబేరుడు, టెస్లా అధినేత ఎలాన్‌ మస్క్‌ (Elon Musk) వైదొలిగారు. ఈ సంచలన నిర్ణయం వెనక కారణమేంటో చెప్పలేదు గానీ..  ప్రత్యేక

గవర్నమెంట్‌ ఉద్యోగిగా తన షెడ్యూల్‌ ముగిసిందని పేర్కొన్నారు. ట్రంప్-మస్క్‌ బంధం చెడిందంటూ వార్తలు వస్తోన్నవేళ ఈ పరిణామాలు ఆసక్తికరంగా మారాయి. ఈక్రమంలోనే తాజాగా ఓ కథనం వెలుగులోకి వచ్చింది.

కృత్రిమ మేధ సంస్థ ఓపెన్‌ఏఐ-యూఏఈ మధ్య ఒప్పందం కుదర్చవద్దని మస్క్‌ అమెరికా అధ్యక్షుడి (Donald Trump)పై ఒత్తిడి తెచ్చినట్లు వాల్‌స్ట్రీట్‌ జర్నల్‌ కథనం సారాంశం. దీన్ని వైట్‌హౌస్‌

పట్టించుకోలేదని సమాచారం. ఓపెన్‌ ఏఐ (OpenAI), సాఫ్ట్‌ బ్యాంక్‌, ఒరాకిల్ సంయుక్త భాగస్వామ్యంతో ఈ ఏడాది ఆరంభంలో ‘స్టార్‌గేట్‌ (StarGate)’ అనే ప్రాజెక్ట్‌ను ప్రారంభించిన సంగతి తెలిసిందే.

ఇందులోభాగంగానే అబుదాబీలో అతిపెద్ద డేటా సెంటర్‌ను ఏర్పాటుచేసుకునేందుకు ‘స్టార్‌గేట్‌ యూఏఈ’ అని వెంచరన్‌ను ప్రకటించారు. ఇందులో జీ42, ఎమిరాటి ఏఐ కంపెనీలు భాగస్వామిగా ఉండనున్నాయి. ఇటీవల ట్రంఫ్‌

గల్ఫ్‌ పర్యటన సందర్భంగా ఓపెన్‌ఏఐ-యూఏఈ మధ్య దీనిపై ఒప్పందం ఖరారైనట్లు సమాచారం. అంతేకాదు.. ట్రంప్ పర్యటనలో ఆయన వెంట ఓపెన్‌ఏఐ సీఈఓ శామ్‌ ఆల్ట్‌మన్‌ కూడా ఉన్నారు. * ట్రంప్‌ పాలకవర్గం నుంచి

వైదొలగిన ఎలాన్‌ మస్క్‌ ఇది నచ్చని మస్క్‌.. ఒప్పందం కుదుర్చుకోవద్దని ట్రంప్‌ సర్కారుపై ఒత్తిడి తెచ్చినట్లు వాల్‌స్ట్రీట్‌ కథనం వెల్లడించింది. ఆ ప్రాజెక్టులో తన ‘ఎక్స్‌ఏఐ’ను కూడా చేర్చాలని

ప్రపంచ కుబేరుడు పట్టుబట్టారట. అంతేగాక, స్వయంగా జీ42 కంపెనీ ఛైర్‌పర్సన్‌కు మస్క్‌ ఫోన్‌ చేసి.. ‘‘ఎక్స్‌ఏఐ లేకుండా.. ట్రంప్‌ ఎలాంటి డీల్‌ను అంగీకరించరు’ అని చెప్పినట్లు సదరు కథనం పేర్కొంది.

అయితే, మస్క్‌ ఒత్తిడిని పట్టించుకోకుండా ట్రంప్‌ సర్కారు డీల్‌కు సుముఖత వ్యక్తంచేసినట్లు సమాచారం. వైట్‌హౌస్‌ అధికారులు ఈ ఒప్పందాన్ని పరిశీలించి ప్రణాళిక ప్రకారమే డీల్‌ కుదుర్చుకున్నట్లు

తెలుస్తోంది. దీనిపై ఓ అధికారి మాట్లాడుతూ.. ‘‘మస్క్‌ ఆందోళనలో నిజం ఉందో, లేదో పక్కనబెడితే.. శామ్‌ ఆల్ట్‌మన్‌తో ఆయనకు సుదీర్ఘకాలంగా వైరం ఉన్న విషయం అందరికీ తెలిసిందే. దానివల్లే ఆయన ఈ ఒత్తిడి

తెచ్చి ఉంటారనే సంకేతాలు కన్పిస్తున్నాయి’’ అని అన్నారు. 2022 నవంబరులో వచ్చిన ఓపెన్‌ ఏఐకి చెందిన చాట్‌జీపీటీ (ChatGPT) ఆరు నెలల్లోనే ప్రపంచవ్యాప్తంగా అత్యంత ఆదరణ సంపాదించుకున్న సంగతి

తెలిసిందే. అయితే, 2015లో ఓపెన్‌ ఏఐను శామ్‌ ఆల్ట్‌మన్‌ బృందం స్థాపించినప్పుడు మస్క్ అందులో పెట్టుబడులు పెట్టారు. 2018లో ఆ కంపెనీని వీడారు. ఆ తర్వాత 2019లో మైక్రోసాఫ్ట్‌ ఓపెన్‌ ఏఐలో 14

బిలియన్‌ డాలర్ల పెట్టుబడి పెట్టింది. ఈక్రమంలోనే ఓపెన్‌ ఏఐ, మైక్రోసాఫ్ట్‌పై మస్క్‌ గతేడాది దావా వేశారు. కంపెనీ స్థాపించినప్పుడు రాసుకున్న ఒప్పందాలను ఉల్లంఘిస్తున్నారంటూ అందులో ఆరోపించారు.