Mea: బలోచిస్థాన్‌లో పేలుడు.. పాక్‌ ఆరోపణలను తిప్పికొట్టిన భారత్‌

సొంత వైఫల్యాల నుంచి ప్రపంచ దృష్టిని మరల్చే ప్రయత్నంలో భాగంగా పాకిస్థాన్‌ నిరాధార ఆరోపణలు చేస్తోందని భారత్‌ దుయ్యబట్టింది. ఇంటర్నెట్‌ డెస్క్‌: బలోచిస్థాన్‌లో పాఠశాల బస్సు లక్ష్యంగా జరిగిన

ఆత్మాహుతి దాడిలో పలువురు చిన్నారులు మృతి చెందిన విషయం తెలిసిందే. దీనిపై పాకిస్థాన్‌ (Pakistan) చేసిన ఆరోపణలను భారత్‌ తోసిపుచ్చింది. సొంత వైఫల్యాల నుంచి ప్రపంచ దృష్టిని మరల్చే ప్రయత్నంలో

భాగంగా ఈ ఆరోపణలు చేస్తోందని దుయ్యబట్టింది. అంతేకాకుండా స్థానిక సమస్యలకూ భారత్‌ను నిందించడం దాయాది దేశానికి అలవాటుగా మారిందని మండిపడింది. ‘‘ఖుజ్దార్‌లో చోటుచేసుకున్న దాడిలో (Balochistan

Blast) భారత్‌ హస్తం ఉందంటూ పాకిస్థాన్‌ చేసిన నిరాధార ఆరోపణలను ఖండిస్తున్నాం. అటువంటి ఘటనల్లో మరణించిన వారికి భారత్‌ సంతాపం తెలిపింది. అయినప్పటికీ.. సొంత వైఫల్యాలను కప్పిపుచ్చుకోవడంతోపాటు

ఉగ్రవాదానికి అంతర్జాతీయ కేంద్రంగా పేరుగాంచిన వారు, ప్రపంచ దృష్టి మరల్చేందుకు ఇటువంటి ఆరోపణలు చేస్తున్నారు. వారి అంతర్గతంగా ఉన్న అన్ని సమస్యలకు భారత్‌ను నిందించడం పాక్‌కు పరిపాటిగా మారింది’’

అని విదేశాంగశాఖ అధికార ప్రతినిధి రణ్‌ధీర్‌ జైశ్వాల్‌ ఓ ప్రకటనలో పేర్కొన్నారు. ప్రపంచాన్ని మోసగించేందుకు పాక్‌ చేస్తున్న ఈ తరహా ప్రయత్నాలు విఫలం అవుతున్నాయని అన్నారు. * 175 బిలియన్‌ డాలర్లతో

‘గోల్డెన్‌ డోమ్‌’: ట్రంప్‌ బలోచిస్థాన్‌లోని ఖుజ్దార్‌ ప్రావిన్స్‌లో ఓ పాఠశాల బస్సును లక్ష్యంగా చేసుకొని ఆత్మాహుతి దాడి జరిగింది. ఆ ఘటనలో ముగ్గురు చిన్నారులు సహా ఐదుగురు ప్రాణాలు కోల్పోగా..

38 మంది తీవ్రంగా గాయపడ్డారు. అక్కడి వేర్పాటువాద గ్రూపులు ఈ దాడికి పాల్పడివుండవచ్చని అనుమానిస్తున్నారు.