Congress-brs: ధర్మారంలో కాంగ్రెస్‌, భారాస పోటాపోటీ ప్రదర్శనలు.. ఉద్రిక్తత

పెద్దపల్లి జిల్లా ధర్మారంలో కాంగ్రెస్‌(Congress), భారాస (BRS) పోటాపోటీ ప్రదర్శనలతో ఉద్రిక్తత చోటుచేసుకుంది. ధర్మారం: పెద్దపల్లి జిల్లా ధర్మారంలో కాంగ్రెస్‌ (Congress), భారాస (BRS) పోటాపోటీ

ప్రదర్శనలతో ఉద్రిక్తత చోటుచేసుకుంది. మండలంలో తామంటే తామే అభివృద్ధి కార్యక్రమాలు చేపట్టామంటూ ఇరు పార్టీల నేతలు బహిరంగ చర్చలకు సవాళ్లు విసురుకున్నారు. ఈ క్రమంలో పట్టణంలోని ప్రధాన కూడలి వద్దకు

చేరుకోవడంతో ఉద్రిక్త పరిస్థితి తలెత్తింది. పోలీసులు అక్కడికి చేరుకుని ఇరు పార్టీల నేతలను నియంత్రించారు. గత నాలుగైదు రోజులుగా కాంగ్రెస్‌, భారాస నేతల మధ్య సవాళ్లు, ప్రతిసవాళ్లు

కొనసాగుతున్నాయి. మంగళవారం సంత ఉండటంతో ఇబ్బంది కలుగుతుందని భావించిన కాంగ్రెస్‌ నేతలు.. చర్చకు నంది మేడారానికి రావాలని సూచించారు. ఈ క్రమంలో మంగళవారం ఉదయం నంది మేడారానికి కాంగ్రెస్‌ నేతలు

చేరుకున్నారు. అదే సమయంలో భారాస నేతలు ధర్మారం బస్టాండ్‌ ప్రాంతం నుంచి ర్యాలీగా ప్రధాన కూడలికి బయల్దేరారు. పోలీసులు వారిని మధ్యలో అడ్డుకున్నారు. కాసేపటి తర్వాత కాంగ్రెస్‌ శ్రేణులు ధర్మారం

కూడలికి చేరుకున్నాయి. దీంతో అక్కడికి భారాస నేతలు చేరుకున్నారు. ఇరు పార్టీల నేతల పోటాపోటీ నినాదాలతో ఉద్రిక్తత నెలకొంది. రెండు పార్టీల నేతలను పోలీసులు నియంత్రించారు. అనంతరం కాంగ్రెస్‌ నేతలు

అంబేడ్కర్‌ విగ్రహానికి పాలాభిషేకం చేసి అక్కడి నుంచి వెళ్లారు. పెద్దపల్లి సీఐ ప్రవీణ్‌కుమార్‌, ధర్మవరం ఎస్సై లక్ష్మణ్‌ ఆధ్వర్యంలో పోలీసులు బందోబస్తు నిర్వహించారు.