Shreyas iyer: ఇది ‘ఇండియన్‌’ ప్రీమియర్‌ లీగ్‌: శ్రేయస్‌ అయ్యర్‌

ఇంటర్నెట్‌ డెస్క్‌: భారత్‌, పాకిస్థాన్‌ సరిహద్దుల మధ్య ఉద్రిక్తతల నేపథ్యంలో ఐపీఎల్‌ (IPL) వాయిదా పడిన విషయం తెలిసిందే. ఇరుదేశాల మధ్య కాల్పుల విరమణ ఒప్పందం కుదరడంతో తిరిగి ఈ రోజు నుంచి

ఐపీఎల్‌ మ్యాచ్‌లు ప్రారంభం కానున్నాయి. అయినప్పటికీ ఆయా జట్ల తరఫున విదేశీ ఆటగాళ్లలో తిరిగి ఎంతమంది ఆడుతున్నారనే విషయంలో ఇంకా సందిగ్ధతే కొనసాగుతోంది. ముఖ్యంగా జూన్‌ 11 నుంచి వరల్డ్‌ టెస్ట్‌

ఛాంపియన్‌ షిప్‌ (ICC World Test Championship) ఫైనల్‌ జరగనున్న నేపథ్యంలో దక్షిణాఫ్రికా, ఆస్ట్రేలియా ఆటగాళ్లు.. పునఃప్రారంభం కానున్న ఐపీఎల్‌లో పాల్గొనే విషయంలో అనుమానాలు వ్యక్తమవుతున్నాయి. ఈ

నేపథ్యంలో పంజాబ్‌ కింగ్స్‌ (Punjab Kings) టీమ్‌ తన ఎక్స్‌ ఖాతాలో ఓ వీడియో పోస్ట్‌ చేసింది. దీని ద్వారా పంజాబ్‌ కెప్టెన్‌ విదేశీ ఆటగాళ్లనుద్దేశించి ఒక చక్కటి సందేశం ఇచ్చాడు. మొదట ఆ వీడియోలో

ఇద్దరు వ్యక్తులు జోస్‌ ఇంగ్లిస్‌, మార్కస్‌ స్టాయినిస్‌, జోష్‌ హేజిల్‌వుడ్‌, మార్క్‌ ఎన్‌సన్‌ ఐపీఎల్‌కు తిరిగి వస్తున్నారా? లేదా? అని చర్చించుకుంటారు. అప్పుడు శ్రేయస్‌ అయ్యర్‌ (Shreyas Iyer)

వచ్చి.. ‘‘మీరు చెబుతున్న వాళ్లంతా నిజంగా ప్రతిభ ఉన్న క్రీడాకారులే. కానీ ఇది ‘ఇండియన్‌’ ప్రీమియర్‌ లీగ్‌’’ అని చెప్పి అక్కడి నుంచి వెళ్లిపోతాడు. విదేశీ ఆటగాళ్లు వచ్చినా.. రాకున్నా.. ఐపీఎల్‌

ఆగదు అనే ఉద్దేశంతో శ్రేయస్‌ ఇలా అన్నాడు. దక్షిణాఫ్రికాకు చెందిన ట్రిస్టన్‌ స్టబ్స్‌ (దిల్లీక్యాపిటల్స్‌), వియాన్‌ ముల్డర్‌ (సన్‌రైజర్స్‌ హైదరాబాద్‌), కగిసో రబాడా (గుజరాత్‌ టైటాన్స్‌),

కోర్బిన్‌ బాష్‌, రికెల్టన్‌ (ముంబయి ఇండియన్స్‌), మార్క్‌ ఎన్సన్‌ (పంజాబ్‌ కింగ్స్‌), లుంగి ఎంగిడి (రాయల్‌ ఛాలెంజర్స్‌ బెంగళూరు), ఐదెన్‌ మార్‌క్రమ్‌ (లఖ్‌నవూ సూపర్‌ జెయింట్స్‌) గైర్హాజరీతో

ప్లేఆఫ్స్‌ రేసులో ఉన్న ఐపీఎల్‌ జట్లు ఎంతో కొంత ప్రభావితం కానున్నాయి.