Aamir khan: ఆ భారీ ప్రాజెక్ట్‌ తర్వాత.. సినిమాలకు స్టార్‌ హీరో గుడ్‌బై..?

తన కెరీర్‌ను ఉద్దేశించి తాజాగా ఓ ఇంటర్వ్యూలో ఆసక్తికర వ్యాఖ్యలు చేశారు బాలీవుడ్‌ స్టార్‌ హీరో ఆమిర్‌ ఖాన్‌ (Aamir Khan). ఓ భారీ ప్రాజెక్ట్‌ గురించి ఆయన మాట్లాడారు. ముంబయి: ‘సితారే జమీన్‌

పర్‌’ ప్రమోషన్స్‌లో భాగంగా ఓ ఇంటర్వ్యూలో పాల్గొన్నారు బాలీవుడ్‌ స్టార్‌ హీరో ఆమిర్‌ ఖాన్‌ (Aamir Khan). భావోద్వేగాల సమ్మేళనంగా ఈ సినిమా సిద్ధమైందన్నారు. ఇది తప్పకుండా ప్రేక్షకులకు

నచ్చుతుందని ధీమా వ్యక్తం చేశారు. ఇందులో భాగంగా తన డ్రీమ్‌ ప్రాజెక్ట్‌ గురించి మాట్లాడారు. ఆ తర్వాత తాను నటనకు స్వస్తి పలికే అవకాశం ఉందని హింట్‌ ఇచ్చారు. ‘‘ప్రస్తుతానికి నా ఫోకస్‌ మొత్తం 

‘సితారే జమీన్‌ పర్‌’ పైనే. మహాభారతాన్ని ఆధారంగా చేసుకుని ఒక భారీ ప్రాజెక్ట్‌ రూపొందించాలనేది నా కోరిక. ప్రస్తుత సినిమా విడుదలయ్యాక నా డ్రీమ్‌ ప్రాజెక్ట్‌పై దృష్టి పెడతాను. దానిని భారీ

స్థాయిలో రూపొందించాలని అనుకుంటున్నా. ప్రపంచంలో చూసే ప్రతి విషయం మహాభారతంలో భాగమే. ఇందులో ఎన్నో కోణాలు, భావోద్వేగాలు ఉన్నాయి. నేటితరం ప్రేక్షకులకు దానిని అందించాలంటే భారీ స్థాయిలోనే సిద్ధం

చేయాల్సి ఉంది. ఎన్నో ఏళ్ల నుంచి ఈ కథతో ప్రయాణం చేస్తున్నా. * నిశ్చితార్థ వార్తల వేళ.. అసలు విషయం చెప్పిన శ్రీలీల వెండితెర వేదికగా అద్భుతంగా దీనిని ప్రేక్షకులకు చూపించాలని కలలు కంటున్నా.

అయితే ఈ సినిమా తర్వాత ఇండస్ట్రీలో నటుడిగా చేయడానికి ఇక ఏమీ లేదనే భావన నాకు కలుగుతుందనుకుంటున్నా. ఒక నటుడిగానే నాకు చనిపోవాలని ఉంది’’ అని ఆమిర్‌ ఖాన్‌ వెల్లడించారు. ఆమిర్‌ ఖాన్‌ వ్యాఖ్యలు

నెట్టింట వైరల్‌గా మారాయి. ఆయన హీరోగా నటించిన ‘లాల్‌ సింగ్‌ చడ్డా’ 2022లో విడుదలై.. బాక్సాఫీస్‌ వద్ద పరాజయాన్ని అందుకుంది. ‘సితారే జమీన్‌ పర్‌’ విషయానికి వస్తే.. స్పోర్ట్స్‌ డ్రామా నేపథ్యంలో

ఆర్‌.ఎస్‌ ప్రసన్న తెరకెక్కిస్తున్నారు. ఆమిర్‌ఖాన్‌ ప్రొడక్షన్స్‌ సంస్థ నిర్మిస్తోంది. జూన్‌ 20న ఇది విడుదల కానుంది.