S jaishankar: ‘ఇంకేమీ డిసైడ్‌ కాలేదు.. ఇప్పుడు మాట్లాడటం తొందరపాటే’: ట్రంప్ ‘జీరో టారిఫ్’ వ్యాఖ్యపై జైశంకర్‌

S Jaishankar: ఆపరేషన్ సిందూర్, భారత్‌-పాక్‌ కాల్పులు విరమణ ఒప్పందం గురించి విదేశాంగమంత్రి ఎస్‌. జైశంకర్ మాట్లాడారు.  ఇంటర్నెట్‌డెస్క్: కాల్పులు విరమణకు ఎవరు పిలుపునిచ్చారో స్పష్టంగా

వెల్లడైందని పాకిస్థాన్‌ను ఉద్దేశించి విదేశాంగ మంత్రి ఎస్‌. జైశంకర్ (S Jaishankar) అన్నారు. అలాగే చాలా వస్తువులపై భారత్‌ జీరో టారిఫ్‌లు ఆఫర్‌ చేసిందని అమెరికా అధ్యక్షుడు చేసిన వ్యాఖ్యలకు

సమాధానం ఇచ్చారు. ఆపరేషన్ సిందూర్‌, భారత్‌-పాక్ కాల్పుల విరమణ ఒప్పందం గురించి ఆయన మాట్లాడుతూ.. ‘‘మేం ఆ దేశ మిలిటరీపై దాడి చేయలేదు.  మే 7న వెనక్కి తగ్గడానికి ఇష్టపడనివారు.. మే 10న మాత్రం

తగ్గారు. కాల్పుల విరమణ ఎవరు కోరుకున్నారో దీనిని బట్టి తెలుస్తోంది’’ అని మంత్రి అన్నారు. ట్రంప్‌ ‘జీరో టారిఫ్’ వ్యాఖ్య.. మంత్రి రిప్లై భారత్‌-అమెరికా మధ్య వాణిజ్య ఒప్పందం కోసం చర్చలు

జరుగుతున్న సంగతి తెలిసిందే. భారత్‌-పాక్‌ ఉద్రిక్తతలకు తెరదించని పక్షంలో వాణిజ్యం నిలిపేస్తానంటూ ఇరుదేశాలకూ స్పష్టం చేశానని.. ఈ క్రమంలో అవి అంగీకారానికి వచ్చాయని ఇటీవల అమెరికా అధ్యక్షుడు

డొనాల్డ్ ట్రంప్ వ్యాఖ్యలు చేసిన సంగతి తెలిసిందే. అలాగే తమ దేశం నుంచి దిగుమతి చేసేకొనే చాలా రకాల వస్తువులపై భారత్‌ జీరో టారిఫ్‌లను ఆఫర్‌ చేసిందని అమెరికా అధ్యక్షుడు ట్రంప్‌ చేసిన సంచలన

ప్రకటనపైనా జైశంకర్ స్పందించారు. ‘‘రెండు దేశాల మధ్య చర్చలు జరుగుతున్నాయి. అవి సంక్లిష్ట చర్చలు. ప్రతి అంశంపై నిర్ణయం తీసుకునేవరకు అవి కొనసాగుతూనే ఉంటాయి. వాణిజ్య ఒప్పందం పరస్పరం ప్రయోజనకరంగా

ఉండాలి. అది జరిగేవరకు దాని గురించి ప్రకటన చేయడం తొందరపాటే అవుతుంది’’ అని ట్రంప్ ప్రస్తావన లేకుండా మంత్రి మాట్లాడారు. * భారత్‌ నోటి దగ్గర ‘యాపిల్‌’ లాగేస్తున్న ట్రంప్‌..! పాకిస్థాన్‌తో మరీ

ముఖ్యంగా కశ్మీర్‌ విషయంలో మూడోపక్షం జోక్యాన్ని భారత్‌ అనుమతించదు. కేంద్రంలోని ప్రతి ప్రభుత్వమూ ఇదే వైఖరిని అనుసరిస్తోంది. అలాంటిది.. తాజా ఉద్రిక్తతల వేళ కాల్పులు విరమణ గురించి ట్రంప్ ప్రకటన

చేయడం చర్చనీయాంశంగా మారింది. మన దేశ సమస్య అయిన కశ్మీర్‌ను అంతర్జాతీయ సమస్యగా చేయడాన్ని కాంగ్రెస్‌ వ్యతిరేకించింది. పహల్గాం ఉగ్రదాడి, ఆపరేషన్‌ సిందూర్‌, భారత్‌-పాక్‌ కాల్పుల విరమణ ఒప్పందంపై

తొలుత అమెరికా అధ్యక్షుడు ట్రంప్‌ ప్రకటన చేయడం మొదలైన విషయాలు చర్చించడానికి కేంద్ర ప్రభుత్వం ప్రత్యేక సమావేశాన్ని ఏర్పాటు చేయాలని కాంగ్రెస్‌ అగ్రనేత రాహుల్‌ గాంధీ ప్రధానిని కోరిన సంగతి

తెలిసిందే.