Vijay shah: చేతులు జోడించి క్షమాపణ కోరుతున్నా: మంత్రి విజయ్‌ షా

భోపాల్‌: కర్నల్‌ సోఫియా ఖురేషీపై అనుచిత వ్యాఖ్యలు చేసిన మధ్యప్రదేశ్‌ మంత్రి విజయ్‌ షా (Vijay Shah) మరోసారి క్షమాపణలు చెప్పారు. అది ‘భాషా పరమైన తప్పిదమే’  తప్ప ఏ మతాన్నీ కించపరచాలనే ఉద్దేశంతో

ఆ వ్యాఖ్యలు చేయలేదన్నారు. ఇండియన్‌ ఆర్మీకి, సోదరి కర్నల్‌ సోఫియా ఖురేషీకి, యావత్‌ దేశ ప్రజలకు క్షమాపణలు చెబుతున్నట్లు ఓ వీడియోను విడుదల చేశారు. * ‘మాకు నీటిని ఆపితే’.. : పాక్‌ సైన్యం

నోట..ఉగ్ర మాట ‘‘ఇటీవల పహల్గాంలో చోటుచేసుకున్న ఉగ్రదాడి నన్ను ఎంతగానో బాధించింది. దేశంపై నాకు అపారమైన ప్రేమ, భారత ఆర్మీపై అంచంచలమైన గౌరవం ఉన్నాయి. నా వ్యాఖ్యలు ఓ సామాజిక వర్గాన్ని, మతాన్ని,

దేశ ప్రజలందర్నీ బాధించాయి. అది భాషాపరంగా నేను చేసిన తప్పు. అందుకు మనస్ఫూర్తిగా చింతిస్తున్నాను. దేశ ప్రజలకు, భారత ఆర్మీకి, సోదరి కర్నల్‌ సోఫియాకు చేతులు జోడించి క్షమాపణ చెబుతున్నా’’ అని

విజయ్‌ షా ఆ వీడియోలో పేర్కొన్నారు. విజయ్‌ షా వ్యాఖ్యలపై దేశ వ్యాప్తంగా ఆగ్రహావేశాలు పెల్లుబికిన సంగతి తెలిసిందే. మధ్యప్రదేశ్‌ హైకోర్టు ఆదేశాల మేరకు పోలీసులు ఎఫ్ఐఆర్‌ నమోదు చేశారు. దీనిని

సవాల్‌ చేస్తూ.. ఇటీవల మంత్రి సుప్రీం కోర్టును ఆశ్రయించగా.. సర్వోన్నత న్యాయస్థానం సైతం ఆయనపై తీరును ఆక్షేపించింది. మనస్పూర్తిగా క్షమాపణలు చెప్పడానికి అభ్యంతరం ఏంటని నిలదీసింది. ముగ్గురు

సభ్యులతో ప్రత్యేక దర్యాప్తు బృందాన్ని ఏర్పాటు చేయాలని మధ్యప్రదేశ్‌ డీజీపీని ఆదేశించింది. ప్రస్తుతానికి అరెస్టు నుంచి మినహాయింపు కల్పించిన ధర్మాసనం.. విచారణకు సహకరించాలని మంత్రిని

ఆదేశించింది.