Sbi deposit rates: డిపాజిట్లపై వడ్డీరేట్లను మరోసారి తగ్గించిన ఎస్‌బీఐ

ఇంటర్నెట్‌ డెస్క్‌: ప్రభుత్వ రంగ అతిపెద్ద బ్యాంక్‌ స్టేట్‌ బ్యాంక్‌ ఆఫ్‌ ఇండియా (SBI) కీలక నిర్ణయం తీసుకుంది. ఫిక్స్‌డ్‌ డిపాజిట్లపై వడ్డీ రేట్లను 20 బేసిస్‌ పాయింట్ల మేర తగ్గించింది.

శుక్రవారం నుంచే ఈ కొత్త రేట్లు అమల్లోకి రానున్నాయి. రేట్ల కోతపై ఎస్‌బీఐ (state bank of india) ఇప్పటికే బ్యాంకు సిబ్బందికి సందేశాలు పంపినట్లు తెలుస్తోంది. ఈ మేరకు ఆంగ్ల మీడియా కథనం

వెల్లడించింది. అత్యధిక వడ్డీ ఇచ్చే 444 రోజుల స్పెషల్‌ డిపాజిట్‌ స్కీమ్‌ అమృత్‌ వృష్టితో పాటు అన్ని కాలావధి డిపాజిట్లపై ఈ కోత (Deposit Rates) ఉంటుందని బ్యాంకు తెలిపింది. 444 రోజుల డిపాజిట్‌

స్కీమ్‌పై ఇప్పటివరకు 7.05 శాతం వడ్డీ ఇవ్వగా.. ఇప్పుడు దాన్ని 6.85కు తగ్గించింది. రూ.3 కోట్ల లోపు ఎఫ్‌డీలపై 1-2 ఏళ్ల వ్యవధికి వడ్డీ రేటును 6.50శాతానికి కుదించింది. * వర్షం పడితే స్విగ్గీ,

జొమాటో ఛార్జీ ‘తడిసి మోపెడు’.. షేర్లు జంప్‌! డిపాజిట్లపై వడ్డీరేట్లను ఎస్‌బీఐ తగ్గించడం నెల వ్యవధిలో ఇది రెండోసారి కావడం గమనార్హం. ఈ ఏడాది ఏప్రిల్‌లోనే వివిధ కాలావధి డిపాజిట్లపై వడ్డీని

10-25 బేసిస్‌ పాయింట్లు తగ్గించింది. కీలక వడ్డీరేట్లను రిజర్వ్‌ బ్యాంక్‌ ఆఫ్‌ ఇండియా (RBI) వరుసగా రెండు సార్లు తగ్గించిన సంగతి తెలిసిందే. ఇప్పటివరకు రెపో రేటును 50 బేసిస్‌ పాయింట్ల మేర

తగ్గించింది. దీంతో బ్యాంకులూ ఆ ప్రయోజనాన్ని రుణగ్రహీతలు బదిలీ చేస్తున్నాయి.  అదే సమయంలో ఫిక్స్‌డ్‌ డిపాజిట్లపై మాత్రం వడ్డీ రేట్లను తగ్గించడం మొదలుపెట్టాయి. హెచ్‌డీఎఫ్‌సీ వంటి ఇతర బ్యాంకులూ

ఇటీవల డిపాజిట్‌ రేట్లలో కోత పెట్టాయి.