Boycott turkey: బాయ్‌కాట్‌ తుర్కియే.. అజియో, మింత్రాలో ఆ బ్రాండ్ల విక్రయాలు బంద్‌

Boycott turkey: భారత్, పాక్‌ ఉద్రిక్తతల నేపథ్యంలో తుర్కియే బ్రాండ్లను నిషేధించాలంటూ ప్రచారం ఊపందుకుంది. ఈ తరుణంలో టర్కీ  తయారుచేసే వస్త్రాలను ప్రముఖ రిటైల్‌ సంస్థలు నిలిపివేశాయి. Boycott

turkey | ఇంటర్నెట్‌ డెస్క్‌: పాకిస్థాన్‌లోని ఉగ్రవాదులు, వారి స్థావరాలను అంతం చేయడమే లక్ష్యంగా భారత్‌ చేపట్టిన ‘ఆపరేషన్‌ సిందూర్‌’ సమయంలో పాకిస్థాన్‌కు బహిరంగంగా మద్దతు ప్రకటించిన తుర్కియే

దేశంపై భారత్‌లోని అన్ని వర్గాలు మండిపడుతున్నాయి. ఆ దేశానికి చెందిన ఉత్పత్తులను బహిష్కరించాలని ‘బాయ్‌కాట్‌ తుర్కియే’ (Boycott Turkey) పేరుతో సోషల్‌ మీడియాలో ప్రచారం ఊపందుకుంటోంది. ఈ నేపథ్యంలో

ప్రముఖ ఆన్‌లైన్‌ రిటైల్‌ సంస్థలు మింత్రా, అజియో.. ఆ దేశ బ్రాండ్ల అమ్మకాలను నిలిపివేశాయి. ఆయా ప్లాట్‌ఫామ్‌లలో అక్కడి బ్రాండెడ్‌ దుస్తులను చూపించడం ఆపేశాయి. బాయ్‌కాట్‌ తుర్కియే నినాదం

జోరందుకున్న క్రమంలో వ్యాపారులు ఆ దేశంతో వర్తక, వ్యాపారాలను నిలిపేస్తున్నారు. గత వారం నుంచి ఇరు దేశాల మధ్య దౌత్య ఉద్రిక్తతలు పెరుగుతున్న నేపథ్యంలో ఈ నిర్ణయం తీసుకున్నట్లు మింత్రా అధికారి

వెల్లడించారు. రిలయన్స్‌ కూడా తన ఆన్‌లైన్ ప్లాట్‌ఫామ్‌ అజియోలో విక్రయిస్తున్న కోటాన్‌, ఎల్‌సీ వైకికి, మావి వంటి తుర్కిష్‌ దుస్తుల బ్రాండ్ల అమ్మకాల్ని ఆపేసింది. ఆ దేశంలో సంస్థ కార్యాలయాన్ని

కూడా మూసివేసినట్లు రిలయన్స్‌కు చెందిన ఓ అధికారి పేర్కొన్నారు. * తుర్కియేతో తెంచేసుకుందాం పాకిస్థాన్‌కు మద్దతుగా నిలిచిన తుర్కియే, అజర్‌బైజాన్‌ దేశాలతో పర్యాటకం సహా అన్నిరకాల వ్యాపార సంబంధాలు

తెంచుకోవాలని దేశీయ వర్గాలు ఇప్పటికే నిర్ణయించాయి. అఖిల భారత వ్యాపారుల సమాఖ్య (కెయిట్‌) సైతం ఆ రెండు దేశాలతో వాణిజ్య సంబంధాలను తెంచుకోవాలని నిర్ణయించింది.  భారత ఎగుమతిదార్లు, దిగుమతిదార్లు,

వ్యాపార వర్గాలు సైతం ఆ రెండు దేశాల్లోని కంపెనీలతో ఎటువంటి సంబంధాలూ పెట్టుకోరని తెలిపింది. విమానాశ్రయాల్లో భద్రతా పరమైన సేవలందిస్తున్న తుర్కియే సంస్థ సెలెబీ ఏవియేషన్‌కు సెక్యూరిటీ

క్లియరెన్స్‌ను ఇదివరకే కేంద్రం రద్దు చేసింది. దీంతో ఇస్తాంబుల్‌లో కంపెనీ షేర్లు క్రమంగా పతనమవుతున్నాయి.