Wealth: ఈ ఏడాది ఎక్కువ సంపద కోల్పోయింది అదానీ, అంబానీయే

Gautam Adani- Mukesh Ambani: ప్రపంచ కుబేరుల జాబితాలో భారతీయులైన అంబానీ, అదానీనే ఎక్కువ సంపద కోల్పోయారు. ఈ ఒక్క ఏడాదిలో అదానీ ఒక్కరే 78 బిలియన్‌ డాలర్లను పోగొట్టుకున్నారు.  ఇంటర్నెట్ డెస్క్‌:

ప్రపంచ కుబేరుల జాబితాలో భారత్‌ నుంచి చోటు దక్కించుకున్న ప్రముఖ వ్యాపారవేత్తలు గౌతమ్‌ అదానీ (Gautam Adani), ముకేశ్‌ అంబానీ (Mukesh Ambani).. ఈ ఏడాది అందరి కంటే ఎక్కువ సంపదను కోల్పోయారు.

బ్లూమ్‌బెర్గ్‌ బిలీయనీర్ల సూచీలో ఇప్పటి వరకు ఈ ఒక్క ఏడాదిలో ఎక్కువ సంపద కోల్పోయిన వారిలో మన దేశానికి చెందిన వీరిద్దరే ఉండడం గమనార్హం. ముకేశ్‌ అంబానీతో పోలిస్తే హిండెన్‌బర్గ్‌ దెబ్బకు అదానీ

భారీగా సంపద కోల్పోయారు. ఫిబ్రవరి 23న బ్లూమ్‌బెర్గ్‌ ఇండెక్స్‌ ప్రకారం.. ముకేశ్‌ అంబానీ సంపద 81.5 బిలియన్‌ డాలర్లుగా ఉంది. ప్రస్తుతం ఈ జాబితాలో 12వ స్థానంలో కొనసాగుతున్నారు. 42.7 బిలియన్‌

డాలర్లతో గౌతమ్‌ అదానీ 29వ స్థానంలో ఉన్నారు. ఒకప్పుడు మూడో స్థానంలో ఉన్న అదానీ నెల రోజుల తిరగకముందే టాప్‌-25లోనూ చోటు కోల్పోవడం గమనార్హం. ఈ ఏడాదిలో ముకేశ్‌ అంబానీ 5 బిలియన్‌ డాలర్ల సంపద

పోగొట్టుకోగా.. గౌతమ్‌ అదానీ ఏకంగా 78 బిలియన్‌ డాలర్లు కోల్పోవడం గమనార్హం. ఇద్దరూ కలిపితే 83 బిలియన్‌ డాలర్లు సంపదను ఇప్పటి వరకు కోల్పోయినట్లు బ్లూమ్‌బెర్గ్‌ పేర్కొంది. జనవరి 24 వరకు

ఆసియాలోనే అత్యంత సంపన్నుడిగా ఉన్న అదానీ.. ప్రపంచ కుబేరుల జాబితాలో ముకేశ్‌ అంబానీ కంటే ముందు వరుసలో నిలిచారు. ఎప్పుడైతే హిండెన్‌బర్గ్‌ నివేదిక వచ్చిందో పరిస్థితి ఒక్కసారిగా మారిపోయింది. అదానీ

గ్రూప్‌ స్టాక్‌మార్కెట్‌లో అవకతవకలకు పాల్పడుతోందంటూ హిండెన్‌బర్గ్‌ నివేదిక ఇవ్వడంతో ఆ కంపెనీ షేర్లు భారీగా నష్టపోయాయి. దీంతో గౌతమ్‌ అదానీ వ్యక్తిగత సంపద సైతం భారీగా హరించుకుపోయింది.