देवघाटको मकर स्नानमा भारतीय जगदगुरु र कालिबाबा

चितवन — देवघाटधाममा मकर स्नान गर्नका लागि यो पटक कालिबाबासहित भारत केदारनाथ मठका जगदगुरु समेत आएका छन् । बुधबार मध्यान्ह तीनवटा हेलिकप्टर देवघाटमा अवतरण भएका थिए । <?xml

encoding="UTF-8"??> जसमा कालिबाबा र अन्य भारतीय जगदगुरु तथा सन्तमहात्महरु आएका थिए । देवघाट क्षेत्र विकास समितिका पदाधीकारहीहरुका अनुसार यसरी विशिष्ट धार्मिक व्यक्तिहरु आएको यो

पहिलो घटना हो । ‘माघे संक्रान्तिका दिन देवघाटधाममा मकर स्नानकै लागि भनेर यो पटक तीनवटा हेलिकप्टरमा देवघाटमा विशिष्ट धार्मिक महानुभावहरु आउनु भयो । जसमा एकजना कालीबाबा हुनुहुन्थ्यो । भारत

केदारनाथ मठका जगदगुरु श्रीश्रीश्री १००८ अनन्त विभुषित रावलपदवी जगदगुरु श्री भिमाशंकरलिंग शिवाचार्य महाराज पनि आउनुभयो, ’ देवघाट क्षेत्र विकास समितिका अध्यक्ष शिवराज पौडेलले भने । अघिल्ले

वर्ष पाँच लाखको हाराहारीमा देश विदेशका हिन्दु बौद्धहरु स्नानका लागि आएको देवघाट क्षेत्र विकास समितिले जनाएको छ । समितिका अध्यक्ष पौडेलले यो पटक पनि सोही संख्यामा भक्तहरु आएको बताए । देवघाटमा

त्रिशुली र कालीगण्डकीको संगम स्थल छ । यी दुई नदी मिलेकै समयदेखि देवघाटमा मकर स्नान मेला सुरु भएको धार्मिक कथन रहेको अध्यक्ष पौडेलले बताए । भारतबाट अन्य सर्वसाधरण पनि आउने गर्दछन् । भारत

बिहार राज्यको पश्चिम चम्पारणमा पर्ने कर्महिया वनकटवा पञ्चायतका शरपंच दिनानाथ महतो पनि यो पटक मकर स्नानका लागि देवघाट आए । सानै हुँदा एक पटक आए पनि उनी दोहर्‍याएर यो वर्ष देवघाट पुगे । उनलाई

पनि देवघाट अद्भुत लाग्यो । भारतका लाखौं हिन्दुहरु देवघाट आउने वातारण बनाउन उनले आग्रह गरेका छन् । यसका लागि योजना बनाएको देवघाट क्षेत्र विकास समितिका अध्यक्ष शिवराज पौडेलले बताए । प्रकाशित :

माघ १, २०७६ १९:०८ कान्तिपुरका स्तम्भहरु हाम्रो बारेमा यो वेबसाइट कान्तिपुर राष्ट्रिय दैनिकको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना

प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ। पूरा पढ्नुहोस् » उपयोगी लिंकहरु सम्पर्क ठेगाना कान्तिपुर पब्लिकेशन्स् लि. सेन्ट्रल बिजनेस पार्क, थापाथली काठमाडौं,

नेपाल +977-01-5135000 +977-01-5135001 हाम्रा अन्य प्रकाशनहरु © Copyright ekantipur.com