Ukraine- russia: రష్యా సైనిక స్థావరాలే లక్ష్యంగా ఉక్రెయిన్‌ భారీ దాడులు

ఉక్రెయిన్‌, రష్యా మధ్య ఉద్రిక్తత మరోసారి తారస్థాయికి చేరింది. రష్యాలోని వైమానిక స్థావరాలే లక్ష్యంగా ఉక్రెయిన్‌ పెద్ద ఎత్తున డ్రోన్‌ దాడులకు తెగబడింది. మాస్కో: ఉక్రెయిన్‌, రష్యా

(Ukraine-Russia) మధ్య ఉద్రిక్తత మరోసారి తారస్థాయికి చేరింది. రష్యాలోని వైమానిక స్థావరాలే లక్ష్యంగా ఉక్రెయిన్‌ పెద్ద ఎత్తున డ్రోన్‌ దాడులకు తెగబడింది. ఇంత భారీ మొత్తంలో ఉక్రెయిన్‌ దాడులకు

పాల్పడటం ఇదే తొలిసారి. తూర్పు సైబీరియా సరిహద్దులోని సైనిక స్థావరాలే లక్ష్యంగా సుదీర్ఘంగా ప్రయాణించ గలిగే డ్రోన్లను కీవ్‌ ప్రయోగించింది. ఉక్రెయిన్ దాడి చేసినట్లు రష్యాలోని ఇర్కుట్స్‌ గవర్నర్‌

ధ్రువీకరించారు. ఆ దేశానికి చెందిన రిమోట్‌ పైలట్‌ ఎయిర్‌క్రాఫ్ట్‌ తమ మిలటరీ యూనిట్‌ను ధ్వంసం చేసినట్లు పేర్కొన్నారు. ఒలెన్యా, బెలయా సహా నాలుగు మిలటరీ ఎయిర్‌బేస్‌లపై దాడులు జరిగినట్లు

వెల్లడించారు. కీవ్‌ మీడియా వెల్లడించిన కథనాల ప్రకారం.. ఉక్రెయిన్‌ సెక్యూరిటీ సర్వీస్‌ చేపట్టిన ఆపరేషన్‌లో 40కి పైగా రష్యన్‌ ఎయిర్‌క్రాఫ్ట్‌లు ధ్వంసమయ్యాయి. ఇందులో టీయూ-95, టీయూ-22ఎం3

బాంబర్లు, కీలకమైన ఏ-50 ఎయిర్‌ క్రాఫ్ట్‌ కూడా ధ్వంసమైనట్లు సమాచారం. ఇరుదేశాల మధ్య యుద్ధం మొదలైన తర్వాత ఇంత భారీ మొత్తంలో ఉక్రెయిన్‌ దాడులకు తెగబడటం ఇదే తొలిసారి. దాడికి సంబంధించిన వీడియోలు

రష్యా మీడియాలో ప్రసారమయ్యాయి. రష్యా వద్ద అపారమైన క్షిపణి సంపద ఉంది. ఆ దేశంతో పోలిస్తే ఉక్రెయిన్‌ దగ్గర  భారీ ఆయుధాలు లేవు. దీంతో రిమోట్‌ సాయంతో సుదీర్ఘంగా ప్రయాణించగలిగే డ్రోన్ల వ్యవస్థను

అభివృద్ధి చేసుకుంది. గతంలోనూ రష్యా సైనిక స్థావరాలు, చమురు బావులపై దాడులు చేసేందుకు వీటిని ప్రయోగించింది. చర్చలకు ఆహ్వానించిన రష్యా తాజా పరిణామాల నేపథ్యంలో ఉక్రెయిన్‌తో చర్చలకు రష్యా

పిలుపునిచ్చింది. ఇస్తాంబుల్‌లో సోమవారం ఇరుదేశాల నేతలు సమావేశమవ్వాలని కోరింది. రష్యా ప్రతిపాదనలకు ఉక్రెయిన్‌ అంగీకరించింది. మంత్రి రుస్టెమ్‌ ఉమెరోవ్‌ నేతృత్వంలోని బృందం సోమవారం ఇస్తాంబుల్‌కు

చేరుకుంటుందని ఉక్రెయిన్‌ అధ్యక్షుడు జెలెన్‌స్కీ వెల్లడించారు.