Donald trump: ఎఫ్‌-55 ఫైటర్‌ జెట్‌ల తయారీపై అమెరికా దృష్టి: ట్రంప్‌ కీలక వ్యాఖ్యలు

Donald Trump ఇంటర్నెట్‌డెస్క్‌: యుద్ధవిమానాల చరిత్రలో అత్యంత శక్తిమంతమైన ఫైటర్‌ జెట్‌గా ఎఫ్‌-22 రాప్టర్‌కు పేరుంది. వీటిని అమెరికా రూపొందించినా.. ఏ మిత్ర దేశానికి విక్రయించలేదు. పరిమిత

సంఖ్యలో తయారు చేసింది. తాజాగా అప్‌గ్రేడ్‌ చేయాలని అమెరికా సర్కారు భావిస్తోంది. ఈ విషయాన్ని ఆ దేశాధ్యక్షుడు డొనాల్డ్‌ ట్రంప్‌ స్వయంగా వెల్లడించారు. ఖతార్‌ పర్యటనలో భాగంగా ఆయన దోహాలో బోయింగ్‌,

జీఈ ఏరోస్పేస్‌ సీఈవోలు సహా పలువురు వ్యాపారవేత్తలతో మాట్లాడారు. లాక్‌హీడ్‌ మార్టిన్‌ తయారు చేసిన ఎఫ్‌-35 ప్రత్యామ్నాయంగా ఎఫ్‌-55ను అభివృద్ధి చేసే అంశాన్ని ప్రస్తావించారు. ఇక ఎఫ్‌-22

రాప్టర్‌కు అప్‌గ్రేడ్‌గా ఎఫ్‌-22 సూపర్‌ఫైటర్‌ను తయారు చేయనున్నట్లు పేర్కొన్నారు. ‘‘మేము ఎఫ్‌-55ను తయారు చేయనున్నాం. మాకు ఇది రెండు ఇంజిన్లతో మంచి ధరకు లభిస్తుందని భావిస్తున్నా. ఇక

ప్రపంచంలోనే అత్యంత శక్తిమంతమైన ఫైటర్‌ జెట్‌ ఎఫ్‌-22  దానికి సూపర్‌ వెర్షన్‌ తీసుకురానున్నాం. ఇది చాలా అత్యాధునికంగా ఉండనుంది’’ అని వెల్లడించారు. ఇటీవలే ప్రకటించిన ఎఫ్‌-47 యుద్ధ విమానం

అభివృద్ధి కాంట్రాక్టును ట్రంప్‌ సర్కారు ఇప్పటికే బోయింగ్‌కు కట్టబెట్టిన విషయం తెలిసిందే. దీనిని అమెరికాలోనే అత్యాధునిక ఆరో తరం ఫైటర్‌గా రూపొందించాలని నాడు ట్రంప్‌ పేర్కొన్నారు. ఫిబ్రవరిలో

ప్రధాని మోదీ అమెరికా పర్యటన సందర్భంగా ట్రంప్‌ సర్కారు ఎఫ్‌-35 యుద్ధ విమానాలను భారత్‌కు విక్రయించేందుకు ఆసక్తి చూపింది. ప్రస్తుతం ప్రపంచవ్యాప్తంగా వాడకంలో ఉన్న 5వతరం అత్యాధునిక యుద్ధవిమానం

ఎఫ్‌-35. రాడార్లు, ప్రత్యర్థి ఎయిర్‌ డిఫెన్స్‌ వ్యవస్థల కళ్లుగప్పి శత్రు స్థావరాలను ధ్వంసం చేయడం దీని ప్రత్యేకత. ఇందులో అత్యాధునిక ఎలక్ట్రానిక్‌ వార్‌ఫేర్‌, నిఘా, పర్యవేక్షణ సామర్థ్యాలు

ఉన్నాయి. దీనిలో మూడు వేరియంట్స్‌ అందుబాటులోకి వచ్చాయి. ఈ విమానం అభివృద్ధికి 2 ట్రిలియన్‌ డాలర్లకు పైగా వెచ్చించారు.