Chagos islands: ఆగండి.. చాగోస్‌ దీవుల అప్పగింతకు యూకే కోర్టు బ్రేకులు..

Chagos Islands || ఇంటర్నెట్‌డెస్క్‌: హిందూ మహా సముద్రంలో అత్యంత కీలకమైన చాగోస్‌ ద్వీప సముదాయాన్ని మారిషస్‌కు అప్పగించకుండా.. బ్రిటన్‌లోని ఓ కోర్టు అడ్డుకొంది. వాస్తవానికి ఈ ద్వీపాలను

అప్పగిస్తూ యూకే ప్రధాని స్టార్మర్‌, మారిషస్‌ ప్రభుత్వం నేడు సంతకాలు చేయాల్సి ఉంది. చాగోస్‌కు చెందిన పాంపే అనే మహిళ చివరి నిమిషంలో వేసిన పిటిషన్‌పై హైకోర్టు జడ్జి సర్‌ జులియన్‌ గూసే నిలుపుదల

ఆదేశాలు జారీ చేశారు. పాంపే చాగోస్‌ దీవుల్లోని డియేగో గార్సియాలో జన్మించింది. కానీ, ఆరు నెలల వయస్సులో ఆ ప్రదేశాన్ని వీడి సీషెల్స్‌కు చేరుకొని పెరిగింది. ప్రస్తుతం లండన్‌లో జీవిస్తోంది. ఈ

రకంగా వేలమంది జీవిస్తున్నారు. ఈ డీల్‌ పూర్తయితే ఇక్కడ పుట్టి వేరే ప్రదేశాల్లో జీవిస్తున్న వారికి లభించే కొన్ని ప్రయోజనాలు కోల్పోవాల్సి వస్తుంది.ఈ నేపథ్యంలో న్యాయస్థానం దాదాపు ఐదు గంటలపాటు

వాదనలు విని.. డీల్‌కు బ్రేకులు వేసింది. మరికొద్ది గంటల్లో తిరిగి విచారణ చేపట్టనుంది. రెండు దేశాల మధ్య జరగనున్న ఒప్పందానికి ఓ న్యాయమూర్తి బ్రేకులు వేయడం యూకే న్యాయచరిత్రలో ఇటీవల కాలంలో ఇదే

తొలిసారి.  మరో వైపు యూకే ప్రభుత్వం మాత్రం అంతర్జాతీయ న్యాయస్థానం తీర్పు ప్రకారం ఆ దీవులు మారిషస్‌విగా తేలినట్లు వాదిస్తోంది. దీంతో తమ వద్ద మరో ప్రత్యామ్నాయం లేదని వెల్లడించింది. మరోవైపు ఈ

దీవుల్లో ఒకటైన డియేగో గార్సియాను అమెరికాకు 99 ఏళ్ల లీజుకు ఇచ్చిన పత్రాలు ఇంకా పబ్లిష్‌ కాలేదు. హిందూ మహాసముద్రంలో 60 దీవుల సముదాయం చాగోస్‌. ఒకప్పుడు బ్రిటిష్‌ సామ్రాజ్యంలో ఉండేవి. ఈ ద్వీప

సమూహాన్ని మారిషస్‌కు తిరిగి అప్పగించి, ఆ దీవుల్లో అతిపెద్దదైన డియేగో గార్సియాను లీజుకు తీసుకోవడానికి బ్రిటన్‌ ఒప్పందం కుదుర్చుకోనుంది. అక్కడ బ్రిటిష్‌- అమెరికన్‌ సంయుక్త సైనిక, వైమానిక

స్థావరం ఉంది. దీంతో ఒప్పందానికి అమెరికా అధ్యక్షుడు ట్రంప్‌ కూడా ఆమోద ముద్ర వేశారు. డియేగో గార్సియాకు అమెరికా ఇటీవలే ఆరు బి-2 స్టెల్త్‌ బాంబర్‌ విమానాలను తరలించింది. అమెరికాకు మొత్తం 20 బి-2

బాంబర్లు ఉండగా, వాటిలో ఆరింటిని ఇక్కడే మోహరించడం దీని ప్రాధాన్యం తెలియజేస్తోంది. హిందూ మహాసముద్రంలో తమ పట్టు నిలబెట్టుకునేందుకు అమెరికా తీవ్రంగా ప్రయత్నిస్తోంది.