China: భారత్‌కు చైనానే ప్రధాన శత్రువు.. బీజింగ్‌ వద్ద 1,000 అణ్వాయుధాలు..

అమెరికా రక్షణ నిఘా సంస్థ నివేదిక అంచనా ఇంటర్నెట్‌ డెస్క్‌: చైనా తన సైనిక శక్తిని వేగంగా ఆధునికీకరిస్తోందని, తైవాన్‌ను ఆక్రమించే ప్రయత్నాల్లో భాగంగా మిలిటరీ సామర్థ్యాన్ని పెంచుకుంటోందని

అమెరికా నివేదిక వెల్లడించింది. ‘వరల్డ్‌వైడ్‌ థ్రెట్‌ అసెస్‌మెంట్‌’ పేరుతో అగ్రరాజ్య (USA) రక్షణ నిఘా సంస్థ ఈ నివేదికను విడుదల చేసింది. ఇందులో భారత్‌కు పొరుగు దేశాలతో ఉన్న ముప్పు అంచనాలను

కూడా వెల్లడించింది. 2030 నాటికి చైనా (China) వద్ద కనీసం 1000 అణ్వాయుధాలు ఉంటాయని దీనిలో అంచనా వేసింది.  ‘‘చైనాను ప్రధాన శత్రువుగా భారత్‌ భావిస్తోంది. అందుకు తగినట్లుగానే న్యూదిల్లీ రక్షణ

పరమైన నిర్ణయాలు ఉంటున్నాయి. బీజింగ్‌ను ఎదుర్కోవడం కోసం తన సైనిక బలం పెంచుకోవడంపై దృష్టి సారిస్తోంది.  తూర్పు ఆసియాలో బలమైన శక్తిగా ఉండేందుకు చైనా తన వ్యూహాత్మక లక్ష్యాలను కొనసాగిస్తోంది.

తైవాన్‌, ఫిలిప్పీన్స్‌ వంటివాటిపై బహుముఖ ఒత్తిడి పెంచాలని చూస్తోంది. వాణిజ్యం, దౌత్యం, భద్రత పరంగా అమెరికా ప్రపంచ నాయకత్వాన్ని సవాల్‌ చేస్తోంది’’ అని అగ్రరాజ్య నివేదిక వెల్లడించింది. *

అణ్వాయుధాగారానికి పాక్‌ పదును! ఇందులో చైనా ఆయుధ సంపత్తి గురించి కూడా అగ్రరాజ్య రక్షణ నిఘా సంస్థ ప్రస్తావించింది. ‘‘2025లో తమ మిలిటరీ బడ్జెట్‌ను 5.2శాతం పెంచి 247 బిలియన్‌ డాలర్లు

కేటాయిస్తున్నట్లు చైనా ప్రకటించింది. కానీ, రక్షణ రంగంపై బీజింగ్‌ చేస్తున్న ఖర్చు ఇంతకంటే ఎక్కువగానే ఉండే అవకాశం ఉంది. గతేడాది ఈ దేశం అనధికారికంగా దాదాపు 304-377 బిలియన్‌ డాలర్లు ఖర్చు

చేసినట్లు అంచనా. చైనా వద్ద ఆపరేషనల్‌ న్యూక్లియర్‌ వార్‌హెడ్స్‌కు ఇప్పటికే 600 దాటాయి. 2030 నాటికి ఈ సంఖ్య 1000కి పైగా ఉండొచ్చు. 2035 వరకు బీజింగ్‌ తన సైనిక శక్తిని పెంచుకుంటూనే ఉంటుందని

అంచనా’’ అని ఆ నివేదిక వెల్లడించింది. పాకిస్థాన్‌ గురించి కూడా ఈ నివేదికలో ప్రస్తావించిన సంగతి తెలిసిందే. ఆ దేశానికి సైనిక, ఆర్థికపరంగా చైనా నుంచి పూర్తి మద్దతు లభిస్తున్నా.. భారత్‌ను మాత్రం

ఓ అస్తిత్వ ముప్పుగానే భావిస్తోందని పేర్కొంది. న్యూదిల్లీ సైనిక శక్తిని దృష్టిలో ఉంచుకొని.. అణ్వాయుధాల అభివృద్ధి సహా సైనిక ఆధునికీకరణ ప్రయత్నాలు కొనసాగిస్తోందని తెలిపింది.