డబ్ల్యూటీసీ ఫైనల్.. ఐపీఎల్‌లో ఆ జట్లకు షాక్

ఇంటర్నెట్ డెస్క్: లార్డ్స్‌ వేదికగా జూన్‌ 11-15 మధ్య ప్రపంచ టెస్టు ఛాంపియన్ షిప్ ఫైనల్ (WTC Final) జరగనుంది. తుది పోరులో దక్షిణాఫ్రికా, ఆస్ట్రేలియా తలపడనున్న విషయం తెలిసిందే. దక్షిణాఫ్రికా

12 టెస్ట్‌ల్లో 8 విజయాలతో 69.44 పాయింట్లతో అగ్రస్థానంలో, ఆస్ట్రేలియా 19 మ్యాచ్‌ల్లో 13 విజయాలతో 67.54 పాయింట్లతో రెండో స్థానంలో నిలిచి తుది పోరుకు అర్హత సాధించాయి. ఈ కీలక మ్యాచ్‌ కోసం ఇవాళ

ఉదయం ఆస్ట్రేలియా తమ జట్టును ప్రకటించగా కాసేపటి క్రితం దక్షిణాఫ్రికా కూడా టీమ్‌ను ప్రకటించింది. తెంబా బావుమా కెప్టెన్‌గా 15 మందితో టీమ్‌ను ఎంపిక చేశారు. గాయం కారణంగా కొంతకాలంగా టెస్టులకు

దూరమైన లుంగి ఎంగిడి తిరిగి జట్టులోకి వచ్చాడు.  ఐపీఎల్‌.. ఆ టీమ్‌లపై ప్రభావం డబ్ల్యూటీసీ ఫైనల్‌ ప్రభావం ఐపీఎల్‌ (IPL)పై పడనుంది. పలు జట్లు కీలక ఆటగాళ్లను సేవలను కోల్పోయే ఛాన్స్ ఉంది.

డబ్ల్యూటీసీ ఫైనల్‌ కోసం దక్షిణాఫ్రికా ప్రకటించిన 15 మంది ఆటగాళ్లలో ఎనిమిది మంది ప్రస్తుతం ఐపీఎల్‌లో ఆడుతున్నారు. వారెవరంటే.. రికెల్‌టన్, కోర్బిన్ బాస్‌ (ముంబయి), లుంగి ఎంగిడి (ఆర్సీబీ),

ట్రిస్టన్ స్టబ్స్ (దిల్లీ), మార్కో యాన్సెన్ (పంజాబ్), మార్‌క్రమ్ (లఖ్‌నవూ), కగిసో రబాడ (గుజరాత్), వియాన్ ముల్డర్ (హైదరాబాద్‌). ఆసీస్ డబ్ల్యూటీసీ జట్టులో ఉన్న కమిన్స్, ట్రావిస్ హెడ్

(హైదరాబాద్‌), హేజిల్‌వుడ్ (ఆర్సీబీ), జోష్‌ ఇంగ్లిస్ (పంజాబ్), మిచెల్ స్టార్క్ (దిల్లీ) ఐపీఎల్‌లో ఆడుతున్నారు. ఇందులో ముంబయి, ఆర్సీబీ, దిల్లీ, లఖ్‌నవూ, పంజాబ్ జట్లకు ప్లే ఆఫ్స్

అవకాశాలున్నాయి. మరోవైపు, భారత్, పాక్ ఉద్రికత్తలతో ఇప్పటికే చాలామంది విదేశీ ఆటగాళ్లు స్వదేశానికి వెళ్లిపోయారు. ఒకవేళ వారు భారత్‌కు తిరిగి వచ్చినా డబ్ల్యూటీసీ ఫైనల్‌ ఆడాల్సి ఉన్న ఆటగాళ్లు

ఐపీఎల్‌లో తాము ప్రాతినిధ్యం వహించే జట్లు ప్లే ఆఫ్స్‌కు చేరితే అందుబాటులో ఉండకపోవచ్చు. * IPL 2025: మళ్లీ మొదటి నుంచి పంజాబ్, దిల్లీ మ్యాచ్ సౌతాఫ్రికా జట్టు: తెంబా బావుమా (కెప్టెన్), టోనీ డి

జోర్జి, ఐడెన్ మార్‌క్రమ్, వియాన్ ముల్డర్, మార్కో యాన్సెన్, కగిసో రబాడ, కేశవ్ మహరాజ్, లుంగి ఎంగిడి, కోర్బిన్ బాష్, కైల్ వెరినే, డేవిడ్ బెడింగ్‌హామ్, ట్రిస్టన్ స్టబ్స్, ర్యాన్ రికెల్‌టన్.

సెనురన్ ముత్తుసామి, డేన్ ప్యాటర్సన్. ఆస్ట్రేలియా జట్టు: పాట్ కమిన్స్ (కెప్టెన్‌), స్కాట్ బోలాండ్, అలెక్స్ కారీ, కామెరూన్ గ్రీన్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, ఉస్మాన్

ఖవాజా, సామ్ కాన్‌స్టాస్, మ్యాట్‌ కునెమన్, మార్నస్ లబుషేన్‌, నాథన్ లైయన్‌, స్టీవ్ స్మిత్, మిచెల్ స్టార్క్, బ్యూ వెబ్‌స్టర్. ట్రావెలింగ్ రిజర్వ్: బ్రెండన్ డగెట్.