Ipl 2025: మళ్లీ మొదటి నుంచి పంజాబ్, దిల్లీ మ్యాచ్

ఇంటర్నెట్ డెస్క్: భారత్, పాకిస్థాన్‌ మధ్య ఉద్రిక్తతల కారణంగా వాయిదా పడిన ఐపీఎల్‌ (IPL)ను మే 17 నుంచి పున: ప్రారంభించాలని బీసీసీఐ నిర్ణయించిన సంగతి తెలిసిందే. ఆరు వేదికల్లో (బెంగళూరు, జైపుర్,

దిల్లీ, లఖ్‌నవూ, అహ్మదాబాద్, ముంబయి) లీగ్‌ మ్యాచ్‌లు జరగనున్నాయి. ఫైనల్‌ జూన్‌ 3న జరుగుతుంది. ప్లే ఆఫ్స్ వేదికలను త్వరలో ప్రకటిస్తారు. ఇక, ఈ నెల 8న ధర్మశాల వేదికగా పంజాబ్, దిల్లీ (PBKS vs

DC) మ్యాచ్‌ జరగాల్సి ఉండగా.. పంజాబ్ (Punjab Kings) ఇన్నింగ్స్‌లో 10.1 ఓవర్ల ఆట తర్వాత మ్యాచ్‌ను అర్ధంతరంగా రద్దు చేశారు. భద్రతా కారణాల రీత్యా ఈ మ్యాచ్‌ను మధ్యలోనే నిలిపివేశారు. సాధారణంగా

మ్యాచ్ రద్దయితే ఇరుజట్లకు చెరో పాయింట్ కేటాయిస్తారు. కానీ, ఈ రెండు టీమ్‌లకు పాయింట్లను కేటాయించకపోవడంతో అభిమానులు గందరగోళానికి గురయ్యారు.  అయితే, కొత్తగా ప్రకటించిన షెడ్యూల్‌తో దీనిపై

క్లారిటీ వచ్చింది. మే 24న జైపుర్‌ వేదికగా పంజాబ్, దిల్లీ మ్యాచ్‌ జరగనుంది. ధర్మశాలలో జరిగిన 10.1 ఓవర్ల ఆటతో సంబంధం లేకుండా మళ్లీ మొదటి నుంచి మ్యాచ్‌ను నిర్వహించాలని బీసీసీఐ నిర్ణయించింది.

ఒకరకంగా పంజాబ్‌కు ఇబ్బంది కలిగించే విషయమే. ఎందుకంటే ధర్మశాలలో ఆ జట్టు 10.1 ఓవర్లు పూర్తి అయ్యేసరికి ఒకే వికెట్ నష్టపోయి 122 పరుగులు చేసింది. ఇప్పుడు మళ్లీ మొదటి బంతి నుంచి మ్యాచ్‌ ఆడితే

పరిస్థితి ఎలా ఉంటుందో చెప్పలేం. పంజాబ్ ఇప్పటివరకు 11 మ్యాచ్‌లు ఆడి 15 పాయింట్లతో ఉంది. మిగిలిన మూడు మ్యాచ్‌ల్లో ఒకదాంట్లో గెలిచినా ఆ జట్టు ప్లే ఆఫ్స్‌ చేరడం ఖాయం.  అహ్మదాబాద్‌లో ఫైనల్?

ఏప్రిల్ 29న క్వాలిఫయర్-1, 30న ఎలిమినేటర్, జూన్ 1న  క్వాలిఫయర్ 2, జూన్‌ 3న ఫైనల్‌ నిర్వహించనున్నారు. అయితే, ఈ మ్యాచ్‌లకు సంబంధించిన వేదికలను అధికారికంగా ఖరారు చేయలేదు. ముంబయిలో ప్లే ఆఫ్‌

మ్యాచ్, అహ్మదాబాద్‌లో ఫైనల్‌ నిర్వహించే అవకాశమున్నట్లు వార్తలొస్తున్నాయి.