Samantha: అమ్మ కష్టం తెలిసొచ్చింది: ‘శుభం’ ఈవెంట్‌లో సమంత

హైదరాబాద్‌: స్వీయ నిర్మాణంలో సమంత (Samantha) అతిథి పాత్ర పోషించిన చిత్రం ‘శుభం’ (Subham). గవిరెడ్డి శ్రీనివాస్‌, శాలిని, శ్రియ కొంతం, చరణ్‌ పేరి తదితర వర్ధమాన నటులతో దర్శకుడు ప్రవీణ్‌

కండ్రేగుల తెరకెక్కించారు. ఈ హారర్‌ కామెడీ మూవీ ఈ నెల 9న విడుదలైన సంగతి తెలిసిందే. శుక్రవారం నిర్వహించిన సక్సెస్‌ ఈవెంట్‌ (Subham Movie Success Meet) లో సమంత సహా టీమ్ పాల్గొని, సందడి చేసింది.

* సమంత - రాజ్‌లపై రూమర్స్‌.. స్పందించిన మేనేజర్ సమంత మాట్లాడుతూ.. ‘‘ప్రొడక్షన్‌ వైపు ఇంత ధైర్యంగా ఎలా వచ్చేశానా?’ అని ఇటీవల అనుకున్నా. నిర్మాతలు ఎందుకు వరసగా సినిమాలు చేస్తారో

ఇప్పుడర్థమైంది. ప్రేక్షకుల ముఖంపై చిరునవ్వులు చూడడమే అందుకు కారణం. విద్యార్థి దశలోని సమ్మర్‌ హాలీడేస్‌ నాకు గుర్తొచ్చాయి. మా కోసం అమ్మ ఎంత కష్టపడిందో ఇప్పుడు తెలిసొచ్చింది. ‘పిల్లలు

నిరుత్సాహపడకూడదు. సినిమాకి తీసుకెళ్లాలి’ అని పరితపించేది. మేం థియేటర్‌లో సినిమా చూడడం, పాప్‌కార్న్‌ కోసం సోదరుడితో గొడవ పడడం, చూసిన సినిమా గురించి చర్చించుకోవడం.. ఇవన్నీ నిన్న జరిగినట్టుగా

ఉంది. నాటి జ్ఞాపకాలను ఫ్యామిలీ ఆడియన్స్‌ కోసం రీ క్రియేట్‌ చేయాలనిపించింది. ఆ లక్ష్యంతోనే ‘ట్రాలాలా మూవింగ్‌ పిక్చర్స్‌’ నిర్మాణ సంస్థ నెలకొల్పా. ఓ నటిగా జీవితం హ్యాపీ. మరోవైపు సెల్ఫిష్‌.

సెట్స్‌కు ఆఖరిగా వచ్చి.. ముందుగా వెళ్లిపోవడం (నవ్వుతూ) ఆనందం. సినిమా రివ్యూల్లో నాకు సంబంధించిన విషయాన్నే ముందుగా చదువుతా. అది స్వార్థం. కానీ, నిర్మాతగా మారాక అభిప్రాయం మారింది’’ ‘‘నేను

ప్రమోషన్స్‌లో మాత్రమే పాల్గొన్నా. సినిమా పనులన్నీ టీమ్‌ చూసుకుంది. ప్రేక్షకుల ఆదరణ, ప్రశంసలు వారికే. నా కో- ప్రొడ్యూసర్స్‌ రాజ్‌, హిమాంక్‌ ‘ట్రాలాలా’కు వెన్నెముకలాంటివారు. ప్రవీణ్‌ టీమ్‌

ప్లేయర్‌. ఇగో లేని వ్యక్తి. అతడి విషయంలో గర్వపడుతున్నా. మేమెంత కష్టపడినా.. ప్రేక్షకులకు సినిమా నచ్చితేనే విజయం అందుకుంటుంది. ‘శుభం’ విషయంలో తెలుగు ఆడియన్స్‌కు కృతజ్ఞతలు తెలియజేస్తున్నా.

నిర్మాతగా తొలి అడుగులు వేస్తున్న నాకు మైత్రీ మూవీ మేకర్స్‌ సంస్థ సపోర్ట్‌ చేసింది. సురేశ్‌బాబు కుటుంబ సభ్యుడిలాంటివారు. ఈ సినిమా గురించి ఏం అడగకుండానే ‘చేసేద్దాం’ అని భరోసా ఇచ్చారు. నా

ఫ్యాన్స్‌, నా టీమ్‌ లేనిదే నేను లేను’’ అని సమంత అన్నారు. ‘శుభం’ రివ్యూ కోసం క్లిక్‌ చేయండి