Shilpa shirodkar: శిల్పా శిరోద్కర్‌కు కొవిడ్‌ పాజిటివ్‌

ఇంటర్నెట్‌ డెస్క్‌: తాను కొవిడ్‌ బారిన పడినట్టు బాలీవుడ్‌ నటి శిల్పా శిరోద్కర్‌ (Shilpa shirodkar) తెలిపారు. సోషల్‌ మీడియా వేదికగా పోస్టు పెట్టారు. జాగ్రత్తగా ఉండాలని, మాస్కులు తప్పనిసరిగా

ధరించాలని అభిమానులకు విజ్ఞప్తి చేశారు. శిల్ప త్వరగా కోలుకోవాలని పలువురు అభిమానులు, నెటిజన్లు కామెంట్లు పెడుతున్నారు. ‘కొవిడ్‌ జర్నీ మళ్లీ మొదలైందా?’ అంటూ సందేహం వ్యక్తం చేస్తున్నారు.

సింగపూర్‌, హాంకాంగ్‌, థాయ్‌లాండ్‌..తదితర దేశాల్లో ఇటీవల కొవిడ్‌ కొత్త కేసులు ఎక్కువగా నమోదు కావడం గమనార్హం.    మహేశ్‌బాబు సతీమణి నమత్రా శిరోద్కర్‌ సోదరి శిల్పా శిరోద్కర్‌. ఈ బాలీవుడ్‌ నటి

‘బ్రహ్మ’ సినిమాతో టాలీవుడ్‌లో అడుగుపెట్టారు. పలు హిందీ సీరియళ్లలో కీలక పాత్రలు పోషించిన ఆమె ‘బిగ్‌బాస్‌ 18’ (హిందీ) కంటెస్టెంట్‌. భారత్‌లో కొవిడ్‌ పరిస్థితి అదుపులోనే ఉంది: కేంద్రం మరోవైపు,

సింగపూర్, హాంకాంగ్‌ సహా పలు దేశాల్లో మళ్లీ కొవిడ్‌ కేసులు పెరుగుతున్నట్టు వస్తోన్న వార్తలతో కేంద్రం అప్రమత్తమైంది. మన దేశంలో కొవిడ్‌ 19 పరిస్థితి అదుపులోనే ఉందని అధికారిక వర్గాలు సోమవారం

పేర్కొన్నాయి. ఈ మేరకు డైరెక్టర్‌ జనరల్‌ ఆఫ్ హెల్త్‌ సర్వీసెస్‌ ఆధ్వర్యంలో పలు విభాగాల అధికారులతో కీలక సమావేశం నిర్వహించారు. భారత్‌లో కొవిడ్‌ పరిస్థితి ప్రస్తుతం అదుపులోనే ఉన్నట్లు అధికారిక

వర్గాలు తెలిపాయి. మే 19 నాటికి దేశంలో 257 క్రియాశీల కేసులు ఉన్నట్లు పేర్కొన్నాయి. ఈ కేసుల్లో తేలికపాటి లక్షణాలే ఉన్నాయని.. ఆస్పత్రుల్లో చేరాల్సిన అవసరం లేదని అధికార వర్గాలు తెలిపాయి.