Saif ali khan: సైఫ్‌పై దాడి.. నిందితుడు బంగ్లాదేశీయుడు

బాలీవుడ్‌ నటుడు సైఫ్ అలీఖాన్‌ (Saif Ali Khan)పై దాడి కేసులో ప్రధాన నిందితుడిని పోలీసులు శనివారం పట్టుకున్నారు. ప్రాథమిక విచారణ అనంతరం డీసీపీ దీక్షిత్‌ తాజాగా ప్రెస్‌మీట్‌ నిర్వహించారు.

నిందితుడి గురించి పలు విషయాలు వెల్లడించారు. ముంబయి: బాలీవుడ్‌ నటుడు సైఫ్ అలీఖాన్‌ (Saif Ali Khan)పై దాడి కేసులో ప్రధాన నిందితుడిని శనివారం అర్ధరాత్రి పోలీసులు థానేలో అరెస్టు చేశారు. ఆదివారం

ఉదయం డీసీపీ దీక్షిత్‌ ప్రెస్‌మీట్‌ పెట్టి ఈ ఘటనకు సంబంధించిన వివరాలు వెల్లడించారు. * సూర్య నో చెప్పడం నన్ను బాధించింది: గౌతమ్‌ మేనన్‌ ‘‘జనవరి 16వ తేదీ తెల్లవారుజామున 2 గంటలకు సైఫ్‌

అలీఖాన్‌పై దాడి జరిగింది. ఎఫ్‌ఐఆర్‌ నమోదు చేశాం. 30 ఏళ్ల మహ్మద్ షరీఫుల్ ఇస్లాం షెహజాద్ అనే వ్యక్తిని నిందితుడిగా గుర్తించాం. అతడిని నిన్న అరెస్ట్‌ చేశాం. దొంగతనం చేయాలనే ఉద్దేశంతో అతడు సైఫ్‌

నివాసంలోకి వెళ్లాడు. అతడిని న్యాయస్థానం ఎదుట హాజరు పరిచి కస్టడీ కోరుతాం. దీనికి సంబంధించిన తదుపరి విచారణ చేపడతాం. ప్రాథమిక విచారణలో అతడిని బంగ్లాదేశీయుడిగా గుర్తించాం. నిందితుడు అక్రమంగా

భారత్‌లోకి ప్రవేశించాడు. భారత్‌ వచ్చాక విజయ్‌ దాస్‌గా పేరు మార్చుకున్నాడు. ఆరు నెలల క్రితం ముంబయి వచ్చాడు. భారతీయుడని చెప్పడానికి అతడి వద్ద సరైన ఆధారాలు లేవు’’ అని తెలిపారు. బాంద్రాలోని

సైఫ్‌ నివాసంలో గురువారం (జనవరి 16) తెల్లవారుజామున 2.30 గంటలకు ఈ ఘటన చోటుచేసుకుంది. సైఫ్, అతడి కుటుంబసభ్యులు నిద్రలో ఉండగా.. దుండగుడు సైఫ్‌ చిన్న కుమారుడు జేహ్‌ గదిలోకి వెళ్లాడు. దుండగుడిని

చూసిన జేహ్‌ కేర్‌టేకర్‌ కేకలు వేయగా సైఫ్‌ అక్కడికి చేరుకొన్న సమయంలో పెనుగులాట జరిగింది. ఈక్రమంలో సైఫ్‌ గాయపడ్డారు. ఆరుచోట్ల కత్తి గాయాలయ్యాయి. దీంతో కుటుంబసభ్యులు ఆయన్ని హుటాహుటిన లీలావతి

ఆస్పత్రికి తరలించారు. శస్త్రచికిత్స అనంతరం ఆయన క్షేమంగా ఉన్నారని వైద్యులు ప్రకటన విడుదల చేశారు. ఐసీయూ నుంచి ప్రత్యేక గదికి మార్చారు. ప్రస్తుతం సైఫ్‌ లీలావతి ఆస్పత్రిలోనే ఉన్నారు. దాడి ఘటనపై

కేసు నమోదు చేసుకున్న ముంబయి పోలీసులు దాదాపు 20 బృందాలుగా ఏర్పడి నిందితుడి కోసం గాలింపులు చేపట్టారు. దాదాపు మూడు రోజుల తర్వాత థానేలో అతడిని అరెస్ట్‌ చేశారు.