Ajith: సినిమా, రేసింగ్‌.. రెండింటికీ న్యాయం చేయలేకపోతున్నా.. అందుకే కీలక నిర్ణయం: అజిత్‌

‘గుడ్‌ బ్యాడ్‌ అగ్లీ’ (Good Bad Ugly)తో ఇటీవల విజయాన్ని అందుకున్నారు స్టార్‌ హీరో అజిత్‌ (Ajith). తాజాగా ఆయన ఓ ఆసక్తికర విషయాన్ని బయటపెట్టారు. ఇంటర్నెట్‌డెస్క్‌: ఓవైపు సినిమాలు.. మరోవైపు

కారు రేసులతో ఫుల్‌ బిజీగా సమయాన్ని గడుపుతున్నారు అగ్ర నటుడు అజిత్‌ (Ajith). ఆయన హీరోగా నటించిన ‘గుడ్‌ బ్యాడ్‌ అగ్లీ’ (good bad ugly) ఇటీవల విడుదలై అభిమానులను అలరించింది. తాజాగా ఓ ఇంటర్వ్యూలో

పాల్గొన్న అజిత్‌ తన తదుపరి ప్రాజెక్ట్‌ గురించి మాట్లాడారు. అంతేకాకుండా, రేసింగ్‌లో పాల్గొనడం పైనా ఆసక్తికరమైన వ్యాఖ్యలు చేశారు. సినిమా, రేసింగ్‌.. ఈ రెండింటికీ సరైన న్యాయం చేయలేకపోతున్నానని

తనకు అర్థమైందన్నారు. అందుకే తాను, రేసింగ్‌ సీజన్‌ ఉన్నప్పుడు సినిమాలకు దూరంగా ఉండాలని నిర్ణయించుకున్నానని వెల్లడించారు. ‘‘రేసింగ్‌ అంటే నాకెంతో ఇష్టం. రేసింగ్‌కు ఫిట్‌నెస్‌ ఎంతో అవసరం. చాలా

రోజుల తర్వాత కార్ల రేస్‌పై దృష్టిపెట్టినప్పుడు ముందు శారీరకంగా మారాలని అర్థమైంది. స్విమ్మింగ్‌, సైక్లింగ్‌తోపాటు ఇతర వర్కౌట్లు, డైట్‌ చేశా. గత ఎనిమిది నెలల కాలంలో సుమారు 42 కిలోల బరువు

తగ్గా. రేసింగ్‌ - సినిమా ఒకే సమయంలో ఉంటే ఆ రెండింటికీ సరైన న్యాయం చేయలేకపోతున్నా. దానివల్ల ఎన్నో ఎత్తుపల్లాలు చూడాల్సి వచ్చింది. రేసింగ్‌ సీజన్‌ ఉన్నప్పుడు సినిమాలకు కాస్త దూరంగా ఉండాలని

నిర్ణయించుకున్నా. రేసింగ్‌ చేస్తున్న సమయంలో ఎన్నో ప్రమాదాలు జరిగాయి. నిజం చెప్పాలంటే, నా సినిమాల్లో స్టంట్స్‌ నేనే చేస్తా. దానివల్ల నాకెన్నో సర్జరీలు జరిగాయి. అలా అని, యాక్షన్‌ సినిమాలు

వదిలేయలేను కదా. అదేవిధంగా ప్రమాదాలు జరిగాయని రేసింగ్‌కు దూరం కాలేను. నా దృష్టిలో ఈ రెండూ ఒకే లాంటివి’’ అని అజిత్‌ వివరించారు. తన తదుపరి ప్రాజెక్ట్‌ నవంబర్‌లో మొదలుకానుందని చెప్పారు. వచ్చే

ఏడాది వేసవికి దానిని విడుదల చేస్తామని తెలిపారు. * మా నాన్న సంతోషమే నాకు ముఖ్యం: మంచు విష్ణు ఇటీవల అజిత్‌ పద్మభూషణ్‌ పురస్కారాన్ని అందుకున్నారు. రేసింగ్‌ విషయానికి వస్తే.. జనవరిలో జరిగిన

24హెచ్‌ దుబాయ్‌ కారు రేసింగ్‌లో అజిత్‌ పాల్గొన్నారు. ఆ పోటీల్లో అజిత్‌ టీమ్‌ మూడో స్థానాన్ని కైవసం చేసుకుంది. ఇటలీలో జరిగిన 12హెచ్‌ రేస్‌లోనూ మూడో స్థానం దక్కించుకుంది. బెల్జియంలో

నిర్వహించిన స్పా- ఫ్రాన్‌కోర్‌ఛాంప్స్‌ సర్క్యూట్‌లో ఆయన టీమ్‌ ద్వితీయస్థానాన్ని కైవసం చేసుకున్న విషయం తెలిసిందే.