Defence drills: దేశవ్యాప్తంగా మాక్‌డ్రిల్‌.. విద్యుత్‌ సరఫరా నిలిపివేత

ఆపరేషన్‌ అభ్యాస్‌లో భాగంగా దేశ రాజధాని సహా గుజరాత్‌, బిహార్‌, యూపీ తదితర రాష్ట్రాల్లో కొంత సమయం పాటు కరెంటు నిలిపివేసి మాక్‌ డ్రిల్‌ చేపట్టారు. ఇంటర్నెట్‌ డెస్క్: కేంద్ర హోంశాఖ ఆదేశాల మేరకు

దేశవ్యాప్తంగా ‘ఆపరేషన్‌ అభ్యాస్‌’ కింద సివిల్‌ డిఫెన్స్‌ మాక్‌డ్రిల్‌ (Mock drill) నిర్వహిస్తున్న విషయం తెలిసిందే. ఇందులో భాగంగానే అనేక ప్రాంతాల్లో విద్యుత్‌ సరఫరా నిలిపివేశారు. దేశ రాజధాని

సహా గుజరాత్‌, బిహార్‌, యూపీ తదితర రాష్ట్రాల్లో కొంత సమయం పాటు కరెంటు నిలిపివేసి డ్రిల్స్‌ చేపట్టారు. గ్రిడ్‌ సమతుల్యతను దృష్టిలో ఉంచుకొని ఆయా ప్రాంతాల్లో వివిధ సమయాల్లో వీటిని నిర్వహించారు.

దిల్లీలో రాత్రి 8 గంటల నుంచి 8.15 వరకు విద్యుత్‌ సరఫరా నిలిపేశారు. దీనికి (Power Blackout) సహకరించాలంటూ అంతకుముందే స్థానికులకు న్యూదిల్లీ మున్సిపల్‌ కౌన్సిల్‌ (NDMC) విజ్ఞప్తి చేసింది.

ఆస్పత్రులు, డిస్పెన్సరీలు, రాష్ట్రపతి భవన్‌, ప్రధానమంత్రి కార్యాలయం, మెట్రో స్టేషన్లు, ఇతర ముఖ్య ప్రదేశాలను మినహాయించారు. * ఆపరేషన్‌ ‘మేఘ్‌దూత్‌ నుంచి సిందూర్‌ ’ వరకు! బిహార్‌ రాజధాని

పట్నాలోనూ బ్లాక్‌అవుట్‌ పాటించారు. రాత్రి 7 గంటల నుంచి పదినిమిషాల పాటు కరెంటును నిలిపివేశారు. ఆరు జిల్లాల పరిధిలోని నగరాల్లో దీనిని పాటించారు. అత్యంత రద్దీగా ఉండే డాక్‌ బంగ్లా ప్రాంతంలో

ట్రాఫిక్‌ అంతా నిలిచిపోయింది. గుజరాత్‌లోనూ రాత్రి 7.30 నుంచి 8.30 మధ్య పవర్‌ బ్లాక్‌అవుట్‌ పాటించారు. రాంచీలోనూ కొన్ని ప్రాంతాల్లో కొంతసేపు కరెంటు నిలిపివేశారు. హిమాచల్‌ ప్రదేశ్‌ రాజధాని

శిమ్లాలో మాక్‌ డ్రిల్‌ చేపట్టారు. లఖ్‌నవూలోని రిజర్వ్‌ పోలీస్‌లైన్స్‌లో నిర్వహించిన మాక్‌ డ్రిల్‌ను ముఖ్యమంత్రి యోగి ఆదిత్యనాథ్‌ స్వయంగా పర్యవేక్షించారు. వీటితోపాటు ఇతర రాష్ట్రాల్లోనూ ఇవి

కొనసాగాయి. రాత్రి సమయాల్లో వైమానిక దాడుల నుంచి కాపాడుకోవడంతోపాటు ముందస్తు జాగ్రత్తలపై ప్రజలకు అవగాహన కల్పించేందుకు వీటిని చేపట్టారు.