Ashwini vaishnaw: ఉగ్రవాద కట్టడి పుస్తకాన్ని భారత్‌ పునర్‌ లిఖిస్తోంది: కేంద్ర మంత్రి

ప్రధాని నరేంద్ర మోదీ నాయకత్వంలో నిర్వహించిన ఆపరేషన్‌ సిందూర్‌ విజయవంతంపై కేంద్ర మంత్రి అశ్విని వైష్ణవ్‌ హర్షం వ్యక్తంచేశారు.  ఇంటర్నెట్‌డెస్క్‌: పహల్గాం ఘటన అమాయక ప్రజలపై జరిగిన దాడి కాదని..

అది భారత్‌ మనస్సాక్షిపై జరిగిన దాడి అని కేంద్రమంత్రి అశ్విని వైష్ణవ్‌ (Ashwini Vaishnaw) పేర్కొన్నారు. పాకిస్థాన్‌లోని ఉగ్రస్థావరాలే లక్ష్యంగా భారత్‌ నిర్వహించిన ఆపరేషన్‌ సిందూర్‌

(Operation Sindoor) విజయవంతం కావడంపై ఆయన హర్షం వ్యక్తంచేశారు. బుధవారం ప్రెస్ ఇన్ఫర్మేషన్‌ బ్యూరోలో ఆయన ఈమేరకు మాట్లాడారు.     ‘పహల్గాంలో జరిగిన ఊచకోత అమాయక ప్రజల జీవితాలపై జరిగిన దాడి

మాత్రమే కాదు. అది భారతదేశ మనస్సాక్షిపై జరిగిన దాడి. దానికి ప్రతిస్పందనగా ఉగ్రవాద కట్టడి పుస్తకాన్ని తిరిగిరాయాలని భారత్‌ నిర్ణయిచుకుంది. ప్రధాని మోదీ (Narendra Modi) నాయకత్వంలో ఆపరేషన్‌

సిందూర్‌ చేపట్టాం. ఉగ్రవాదాన్ని సహించేది లేదనే గట్టి సందేశాన్ని పాకిస్థాన్‌కు ఇచ్చాం’ అని వైష్ణవ్‌ పేర్కొన్నారు. ఈసందర్భంగా ఆపరేషన్‌ సిందూర్‌లో మోదీ తీసుకున్న పలు కీలక చర్యల గురించి వైష్ణవ్‌

ప్రస్తావించారు.  * పాక్‌ను నమ్మలేం.. ఇళ్లకు వెళ్లలేం..: సరిహద్దు గ్రామాల ప్రజలు పహల్గాంలో ఉగ్రదాడి అనంతరం భారత్‌- పాక్‌ మధ్య ఉద్రిక్త పరిస్థితులు నెలకొన్నాయి. ఈక్రమంలో భారత్‌ ఆపరేషన్

సిందూర్‌ పేరుతో పాక్‌లో ఉగ్రస్థావరాలే లక్ష్యంగా దాడులు చేసింది. అది జీర్ణించుకోలేని పాకిస్థాన్‌.. జమ్మూకశ్మీర్‌లోని సరిహద్దు గ్రామాల ప్రజలపై దాడులకు పాల్పడింది. దీంతో ఇరుదేశాల మధ్య

ఉద్రిక్తతలు మరింత తీవ్రతరమయ్యాయి. ఇటీవల ఇరుదేశాల మధ్య కాల్పుల విరమణ ఒప్పందం కుదరగా.. ప్రస్తుతం అది కొనసాగుతోంది.