Bank services: బ్యాంకింగ్‌ సేవలన్నీ సజావుగానే..

సరిహద్దు ఉద్రిక్తతలు బ్యాంకింగ్‌ సేవలకు ఆటంకం కావని; ఎస్‌బీఐ, పంజాబ్‌ నేషనల్‌ బ్యాంకుల ATMలు, డిజిటల్‌ సేవలు సజావుగానే పనిచేస్తున్నాయని సంబంధిత బ్యాంకింగ్‌ వర్గాలు ఈ రోజు(శుక్రవారం)

తెలిపాయి. స్టేట్‌ బ్యాంక్‌ ఆఫ్‌ ఇండియా, పంజాబ్‌ నేషనల్‌ బ్యాంకు ఇంకా అనేక ఇతర ప్రముఖ బ్యాంకులు..తమ ATMలు పూర్తి నగదు నిల్వలతో సంపూర్ణంగా పనిచేస్తున్నాయని, డిజిటల్‌ సేవలు సజావుగా

పనిచేస్తున్నాయని ఈ రోజు(శుక్రవారం) తెలిపాయి. భారత్‌, పాకిస్తాన్‌ మధ్య పెరుగుతున్న ఉద్రిక్తతల మధ్య రాబోయే రోజుల్లో ATMలు మూతపడే అవకాశం ఉందని సోషల్‌ మీడియాలో వచ్చిన అసంబద్ధ వార్తల నేపథ్యంలో

బ్యాంకులు పై ప్రకటనను తెలిపాయి. బ్యాంకులకు సంబంధించి అన్ని ATMలు, CDMలు/ADWMలు, అన్ని డిజిటల్‌ సేవలు సంపూర్ణంగా పనిచేస్తున్నాయని; ఇవన్నీ వినియోగదారులకు పూర్తి అందుబాటులో ఉన్నాయని దేశీయ

అతిపెద్ద బ్యాంకు ఎస్‌బీఐ..సోషల్‌ మీడియా పోస్ట్‌ ‘X’లో పేర్కొంది. ధ్రువీకరించని సమాచారంపై ఆధారపడవద్దని వినియోగదారులకు బ్యాంకు సూచించింది. బ్యాంక్‌ ఆఫ్‌ బరోడా, పంజాబ్‌ సింథ్‌ బ్యాంకు, కెనరా

బ్యాంకు, బ్యాంక్‌ ఆఫ్‌ ఇండియా కూడా ఇలాంటి సందేశాలను పోస్ట్‌ చేశాయి. అన్ని డిజిటల్‌ సేవలు కూడా సజావుగా పనిచేస్తున్నాయని, ఇంటి నుంచి ఆన్‌లైన్‌ బ్యాంకింగ్‌ సేవలను పొందొచ్చని పంజాబ్‌ నేషనల్‌

బ్యాంకు సోషల్‌ మీడియా ప్లాట్‌ఫాం ‘X’లో ఒక పోస్ట్‌లో తెలిపింది. ఈ రోజు సాయంత్రం కేంద్ర ఆర్థిక మంత్రి, నిర్మాలా సీతారామన్‌..బ్యాంకులు, ఆర్థిక సంస్థల సైబర్‌ భద్రతా సంసిద్ధతపై సమీక్షా సమావేశం

నిర్వహించనున్నట్లు సంబంధిత మంత్రిత్వశాఖ తెలిపింది.