Trump-musk: ఆ విషయంలో మస్క్‌ కత్తి వాడాలి.. గొడ్డలి కాదు: ట్రంప్‌

వృథా ఖర్చులను అరికట్టే సాకుతో ఉద్యోగులను భారీగా తొలగిస్తున్నారంటూ మస్క్‌పై వస్తున్న విమర్శలపై అమెరికా అధ్యక్షుడు డొనాల్డ్ ట్రంప్‌ స్పందించారు.  ఇంటర్నెట్‌ డెస్క్‌: అమెరికాలో డిపార్ట్‌మెంట్‌

ఆఫ్‌ గవర్నమెంట్‌ ఎఫీషియన్సీ(DOGE) శాఖ బాధ్యతలను ప్రపంచ కుబేరుడు ఎలాన్ మస్క్‌ (Elon Musk) నిర్వహిస్తున్నారు. వృథా ఖర్చులను తగ్గించడం, ప్రభుత్వ వ్యవస్థలో సమూల మార్పులే లక్ష్యంగా ఈ సంస్థ

పనిచేస్తుంది. ఆ సాకుతో ఉద్యోగులను భారీగా తొలగిస్తుండడంతో మస్క్‌పై పలువురు తీవ్ర విమర్శలు చేస్తున్నారు. ఈ విమర్శలపై అమెరికా అధ్యక్షుడు డొనాల్డ్ ట్రంప్‌ (Donald Trump) స్పందించారు. మస్క్‌ ఈ

విషయంలో గొడ్డలి బదులు కత్తి(ఆపరేషన్లకు వినియోగించేది) వాడాలని చెబుతూ.. సామర్థ్యం గల ఉద్యోగులను తొలగించకుండా జాగ్రత్తలు తీసుకోవాలని డోజ్‌కు సూచించారు. ‘‘అవసరం లేనిచోట ఉద్యోగులను తొలగించడం

చాలా ముఖ్యం. కానీ అత్యంత ప్రతిభ, ఉత్పాదకత ఉన్న ఉద్యోగులను కొనసాగించడం కూడా ముఖ్యమే’’  అని ట్రంప్‌ అన్నారు. డోజ్ తీసుకుంటున్న చర్యలపై ప్రతి రెండు వారాలకు ఒకసారి క్యాబినెట్ సమావేశాలు

ఏర్పాటుచేస్తామని పేర్కొన్నారు. ఫెడరల్‌ ఉద్యోగులను మస్క్‌ పెద్దఎత్తున తొలగిస్తుండడం దుందుడుకు చర్యగా ఉందని వస్తున్న విమర్శలపై విలేకరులు ఆయనను ప్రశ్నించగా ట్రంప్‌ వాటిని కొట్టిపడేశారు. మస్క్‌

సరైనవిధంగానే చర్యలు తీసుకుంటున్నారని.. ఈ నిర్ణయాల వల్ల దేశంలో పెద్ద మొత్తంలో వృథా ఖర్చులను అరికట్టవచ్చని అన్నారు. ఈ విషయంలో డోజ్‌తో కలిసి పనిచేయాలని తన కార్యదర్శులు, అధికారులకు ఆదేశాలు జారీ

చేశానని తెలిపారు. * సిరియాలో అలజడి.. అసద్‌ విధేయుల దాడిలో 13 మంది పోలీసులు మృతి ట్రంప్‌ రెండోసారి అధికారంలోకి వచ్చిన అనంతరం ప్రభుత్వ వ్యయాలను కట్టడి చేయడం కోసం డిపార్ట్‌మెంట్‌ ఆఫ్‌

గవర్నమెంట్‌ ఎఫీషియన్సీని ఏర్పాటుచేశారు. దీని పగ్గాలను మస్క్‌కు అప్పగించారు. ఇందులోభాగంగా వేల మంది ఫెడరల్‌, ఇతర ప్రభుత్వ ఉద్యోగులను తొలగించేందుకు మస్క్‌ సిఫార్సు చేస్తున్నారు. తాను సిబ్బందిని

తగ్గించడంతోపాటు.. బాగా పని చేసేవారిని ఉన్నత స్థానాలకు తీసుకొస్తానని చెప్పారు. పలువురు నిపుణులు, డెమోక్రాట్లు మస్క్‌ చర్యలు సరైనవి కావని విమర్శలు గుప్పిస్తుండగా ట్రంప్‌ వాటిని ఖండిస్తూ

వస్తున్నారు.