Pm modi: యోగాంధ్ర-2025.. ప్రజల్లో ఉత్సాహం చూస్తుంటే ఆనందంగా ఉంది: ప్రధాని మోదీ

ఆంధ్రప్రదేశ్‌లో యోగా దినోత్సవం పట్ల ప్రజల్లో ఉత్సాహాన్ని చూస్తుంటే ఎంతో ఆనందంగా ఉందని ప్రధాని నరేంద్ర మోదీ(PM Modi) అన్నారు. దిల్లీ: ఆంధ్రప్రదేశ్‌లో యోగా దినోత్సవం పట్ల ప్రజల్లో ఉత్సాహాన్ని

చూస్తుంటే ఎంతో ఆనందంగా ఉందని ప్రధాని నరేంద్ర మోదీ(PM Modi) అన్నారు. యోగాంధ్ర 2025(Yogandhra2025) పేరిట యోగాకు మరింత ప్రాచుర్యం కల్పించేందుకు ఆంధ్రప్రదేశ్‌ ప్రజలు చేస్తున్న కృషి ప్రశంసనీయమని

కొనియాడారు. ఈ మేరకు ఆయన ‘ఎక్స్‌’లో పోస్టు పెట్టారు. జూన్‌ 21న ఏపీలో యోగా దినోత్సవం జరుపుకొనేందుకు ఎంతో ఆసక్తితో ఎదురుచూస్తున్నట్లు పేర్కొన్నారు. అందరూ యోగా దినోత్సవంలో పాల్గొనాలని, యోగాను

నిత్య జీవితంలో భాగస్వామ్యం చేసుకోవాలని ఈ సందర్భంగా పిలుపునిచ్చారు. యోగాంధ్రలో భాగంగా చిత్తూరు సమీపంలోని పులిగుండు ట్విన్‌హిల్స్‌లో దాదాపు 2వేల మందికి పైగా ఔత్సాహికులు యోగాసనాలు వేస్తున్న

ఫొటోలను కేంద్ర ఆయుష్‌ శాఖ సహాయ మంత్రి ప్రతాప్‌రావ్‌ జాదవ్‌ ‘ఎక్స్‌’లో షేర్‌ చేయగా.. ఆ ట్వీట్‌ను ప్రధాని రీట్వీట్‌ చేశారు. జీవన శైలిలో భాగమయ్యేలా యోగాను ప్రోత్సహించాలనే ఉద్దేశంతో  ఏపీ

ప్రభుత్వం యోగాంధ్ర-2025 కార్యక్రమాన్ని ప్రతిష్ఠాత్మకంగా చేపట్టిన విషయం తెలిసిందే. మే 21 నుంచి జూన్‌ 21 వరకు కూటమి ప్రభుత్వం గ్రామ, మండల, నియోజకవర్గ స్థాయిలో యోగాపై అవగాహన కల్పిస్తోంది.  

కనీసం 2 కోట్ల మందికి తక్కువ కాకుండా పాల్గొనాలన్నది సంకల్పంగా పెట్టుకోగా.. 10 లక్షల మందికిపైగా యోగా సర్టిఫికెట్లు ఇవ్వాలనేది లక్ష్యంగా పెట్టుకుంది.  జూన్‌ 21న విశాఖలో 5 లక్షల మందితో ఆర్కే

బీచ్‌ నుంచి భోగాపురం వరకు ఈ కార్యక్రమం నిర్వహించనున్నారు. విశాఖలో జరిగే యోగా ఈవెంట్‌లో ప్రధాని నరేంద్ర మోదీ పాల్గొననున్నారు.