Vikram misri press briefing: అఫ్గాన్‌కు గుర్తు చేయనక్కర్లేదు.. పాక్‌వి పనికిమాలిన ఆరోపణలు: విక్రమ్‌ మిస్రీ

Operation Sindoor: పాకిస్థాన్‌ అనవసరమైన ఆరోపణలతో అందర్నీ పక్కదారి పట్టిస్తోందని భారత విదేశాంగ కార్యదర్శి విక్రమ్‌ మిస్రీ ఘాటుగా స్పందించారు. ఇంటర్నెట్ డెస్క్‌: భారత్‌ ‘ఆపరేషన్‌ సిందూర్‌’

ప్రారంభించిన నాటి నుంచి పాకిస్థాన్‌ అబద్ధాలను ప్రచారం చేయడం మొదలుపెట్టింది. ఉగ్రవాదంపై పోరు తలపెట్టిన భారత్‌కు ప్రపంచవ్యాప్తంగా మద్దతు పెరుగుతోంది. దీంతో పాక్‌ కుతంత్రాలకు తెరలేపింది.

వాటన్నింటినీ కేంద్రం కొట్టిపడేస్తూనే ఉంది. తాజాగా భారత్ - అఫ్గానిస్థాన్‌ దేశాల మధ్య చిచ్చు పెట్టేలా పాక్‌ వ్యాఖ్యలు చేసింది. అఫ్గాన్ లక్ష్యంగా భారత్ మిస్సైల్స్‌ను ప్రయోగిస్తోందని పాక్‌ ఆర్మీ

అధికారులు తప్పుడు ప్రకటనలు చేశారు. అయితే, దానికి భారత విదేశాంగ కార్యదర్శి విక్రమ్‌ మిస్రీ (Vikram Misri) సూటిగా బదులిచ్చారు. * పాక్‌ సైన్యం సరిహద్దుల దిశగా కదులుతోంది: భారత్‌ ‘‘పాకిస్థాన్‌

ఆరోపణలన్నీ పనికిమాలినవే. ఈ సందర్భంగా నేను ఓ విషయం చెబుదామనుకుంటున్నా. అఫ్గాన్‌ ప్రజలకు మేం ప్రత్యేకంగా మా దేశం గురించి చెప్పనక్కర్లేదు. అలాగే గతేడాదిన్నర నుంచి పలు సందర్భాల్లో అక్కడి మౌలిక

సదుపాయాలు, ప్రజలను ఎవరు (పాక్‌ను ఉద్దేశించి) లక్ష్యంగా చేసుకున్నారో గుర్తు చేయాల్సిన అవసరం లేదనుకుంటున్నా. ఇప్పుడు పాక్‌ ప్రభుత్వంపై అక్కడి ప్రజలే తీవ్ర స్థాయిలో విమర్శలు చేస్తున్నారు’’ అని

వెల్లడించారు. పాక్‌ ఆర్మీ ఆరాటమిదే.. ‘‘భారత ప్రభుత్వంపై ఇక్కడి పౌరులు తీవ్ర విమర్శలు చేస్తారని.. కేంద్రం ఒత్తిడిలో ఉందని భ్రమించేలా పైకి పాకిస్థాన్‌ ఆర్మీ ప్రతినిధులు సంతోషంగా

కనిపిస్తున్నారు. అనూహ్యంగా పాక్‌ ప్రజలే ఆదేశ ప్రభుత్వంపై విమర్శలకు దిగడంతో ఆశ్చర్యపోవాల్సిన పరిస్థితి ఎదురైంది. ప్రజాస్వామ్యంలో అన్నింటికీ ఓ విధానం ఉంటుంది. పాకిస్థాన్‌కు దాని గురించి

తెలియకపోవడం ఆశ్చర్యమేమీ కలిగించదు’’ అని మిస్రీ వ్యాఖ్యానించారు.